Lehtësimi i masave, Kurti-Vitia: Nga 18 Maji do të hapen këto biznese…
Kryeministri në detyrë i Kosovës, Albin Kurti, së bashku me ministrin e Shëndetësisë, Arben Vitia duke folur sot për situatën me pandeminë e koronavirusit sqaruan se nga e hëna, më 18 maj do të lehtësohen masat ndaj koronavirusit.
“Nga e hëna pra me 18 maj kemi paralajmëruar se do të kalojmë në fazën e dytë nga situata epidemiologjike, këto javët e fundit kemi parë se nga masat që kemi ndërmarrë, numrat e infektimeve kanë rënë ndjeshëm, por kemi parë se në javën e fundit kemi pasur ngritje të infektimeve,” tha Kurti duke shtuar se me lehtësimin e masave duhet të rritet kujdesi ndaj koronavirusit dhe të mos lëmë që të rriten rastet e infeksioneve.
“Megjithëkëtë ngritje të përgjithshme, rekomandimi zyrtar i IKSHPK-së në bazë të gjendjes epidemiologjike, është se hapja e fazës së dytë mund të vazhdojë më 18 maj ashtu siç është planifikuar, tashmë kur do të marrim vendim për kalimin nga faza e parë në të dytën, duhet të përgatitemi të ulim infektimet. Ky është test i madh për shoqërinë, por edhe sfidë njëkohësisht. Si mund ta hapim ekonominë por edhe ta luftojmë virusin. Shtetet në rajon por edhe BE tashmë po hyjnë në një fazë të hapjes, që bart me vete edhe rrezikun e përhapjes së virusit. Lëvizja e qytetarëve e ndihmon lëvizjen e virusit, deri këtu asgjë nuk ka ndryshuar. Në mungesë të vaksinës ne duhet të kudjesemi vet maksimalisht.”
Lëvizja e qytetarëve do të vazhdojë të kontrollohet me numrin e fundit të letërnjoftimit por do të lejohet lëvizja dy herë në ditë nga 2 orë ndërsa bizeneset të cilat do të hapen nga 18 maj do të jenë këto:
“Floktarët dhe sallondet e ondulimit, stomatologët dhe fizioterapeutët, tregtarët me pakicë dhe tregu i gjelbër, gastronomia në variantin take-away, transporti hekurudhor, transporti urban dhe ndërurban me leje të veçanta, hapja e galerive dhe muzeve,” sqaroi ministri Vitia ndërsa kishe një lajm të keq për komunitetin sportiv, duke skatësuar se garat sportive në Kosovë nuk mund të nisin para 2 qershorit.
“Gjatë kësaj jave kemi pasur takime të shumta, jo vetëm me akterë të sportit por edhe me shumë akterë tjerë në mënyre se si ti qasemi dhe ti shohim këndvështrimet nga secila anë se si duhet ti qasemi fazës së dytë të hapjes se si do të fillon të hënën. Një nga këto takime ka qenë me KOK-un dhe FFK-në, ku kemi diskutuar se kur mund të hapen disa nga aktivitet sportive, të cilat në parim bartin rrezikshmëri më të ulët sesa disa aktivitet të tjera dhe gjatë këtij takimi, unë i falenderoj shumë edhe anëtaret edhe nga KOK-u edhe nga FFK, të cilët e kanë mirëkuptuar situatën dhe masat e deritanishme…. Mirëpo fillimi i garave, jemi dakorduar edhe atë ditë, atë natë në fakt edhe me mirëkuptimin e të gjithë të pranishmëve se fillimi i garave në asnjë aktivitet sportiv para fazës së tretë, që i bie para 2 qershorit.”
