Leksion të mirë Edi Ramës, Basha: Pas 25 prillit, sërish i papunë!

Duke e akuzuar Kryeministrin Edi Rama se e ka lënë Shqipërinë në baltë, Kryetari i PD, Lulzim Basha zotohet se Partia Demokratike do ta kthejë në rrugën e zhvillimit ndërsa për Ramën ka rezervuar një leksion të mirë më 25 Prill.

“Rama po bëhet përditë e më karagjoz me sulmet ndaj qeverisjes së dikurshme të Partisë Demokratike. Mjafton të krahasoni rritjen prej 200% të pagave të mësuesve nën qeverisjen tonë me rritjen vetëm 15% të Rilindjes,” thekson Lulzim Basha pas sulmeve banale të Kryeministrit ndaj qeverisjes demokratike duke shtuar se Rama ke nevojë t’i rikthehesh shkollës.

“Po do të kesh kohë pas 25 prillit, kur të jesh sërish i papunë,” shprehet Kryetari i PD, Lulzim në reagimin e tij përmes rrjetit social Facebook duke e shoqëruar edhe me një video ndërsa përfundon:

“Ti e ke lënë Shqipërinë në baltë dhe ne do ta kthejmë në rrugën e zhvillimit.”