Leksioni nga karantina, Merkel: Askush nuk e di me siguri sa do të zgjasë…

Në mesazhin e saj nga karantina, Kancelarja e Gjermanisë, Angela Merkel, ndërsa falënderon qytetarët për disiplinën në zbatimin e masave në luftën kundër koronavirusit paralajmëron se shifrat ende nuk lejojnë tërheqjen e kufizimeve dhe bën thirrje për më shumë durim nga qytetarët.

“Askush sot nuk e di me siguri se sa do të zgjasë kjo periudhë e vështirë. Shifrat e përditshme të shpërthimeve të reja nuk na japin për fat të keq asnjë arsye për t’u qetësuar ose për të ulur kufizimet.”

Nga karantina ku ndodhet nga e diela e kaluar pasi mjeku i saj u diagnostikua me koronavirus, Merkel e pranon se rregullat e reja kanë minimizuar jetën publike të të gjithëve por u kërkon qytetarëve të mos jenë të padurueshëm.

“Politika ka ndërmarrë veprime më shpejt se kurrë dhe me më shumë para se kurrë. Unë besoj se mund të themi se ne po bëjmë gjithçka mundemi për t’i dhënë vendit tonë siguri në një kohë pasigurie.”

Duke ju referuar përvojës në karantinë, Merkel e pranon se nuk është e lehtë, por me batutë tha se përfundimisht dikush mund të bëjë shumë punë edhe në shtëpi”.

“Megjithatë unë do të jem e lumtur të kem përsëri kontakte personale kur kjo të jetë e mundur”.