Lëkundje të forta të tokës në Durrës, MM: Nuk ka dëme!

E enjta e 8 Tetorit shkeli me disa lëkundje të forta të tokës që tronditën qytetin e Durrësit, por për fat të mirë tërmeti nuk shkaktoi dëme.

Qendra Sizmologjike Mesdhetare, EMSC, raportoi për tërmetin e parë në orën 00:13 me magnitudë 4.6 të shkallës Rihter dhe thellësi 10 km, me epiqendër në Detin Adriatik, 27 km nga Durrësi dhe 41 km nga Tirana.

Vetëm 12 minuta më vonë EMSC raporton për një tërmet me magnitudë 3.2 dhe thellësi 8 km, me epiqendër në Detin Adriatik, 23 km nga Durrësi dhe 38 km nga Tirana.

Ndërsa në orën 00:44 EMSC raporton sërish për lëkundje me magnitudë 4.2 të shkallës Rihter dhe thellësi 8 km, 23 km nga Durrësi dhe 39 km nga Tirana.

Ministria e Mbrojtjes duke konfirmuar tërmetin e orës 00:13 dhe 42 pasgoditje tjera tha se nuk raportohet për dëme materiale.