Lëkundje të forta në Kukës dhe Dibër, epiqendra ishte në…

Dy lëkundje të forta janë shënuar në Kukës dhe Dibër brenda 15 minutave. Sipas Qendrës Sizmologjike Mesdhetare, EMSC, tëremti i parë ra në orën 13:38 minuta me magnitudë 4.4 të shkallës Rihter me thellësi 8 km. Epiqendra e tërmetit ishte në Barrë të Kukësit, 12 km nga Kurbneshi dhe 66 km nga Tirana.

Tërmeti shkaktoi panik ndër qytetarët e Kukësit ndërsa lëkundjet janë dëgjuar edhe në Kosovë, Maqedoni dhe Serbi.

Vetëm 14 minuta pas këti tërmeti të fuqishëm, EMSC regjistron një tërmet me magnitudë 4.3 të shkallës Rihter dhe thellësi 5 km. Epiqendra e tërmetit ishte në Arre Malle, 10 km nga Kurbneshi dhe 27 km nga Peshkopia si dhe 64 km nga Tirana.

Tërmeti shkaktoi panik ndër qytetarët e Peshkopisë ndërsa u dëgjua edhe në Maqedoni dhe Kosovë.

Pas lëkundjeve të forta në Kukës dhe Dibër, Ministrja e Mbrojtjes njofton se nga tërmetet, sipas të dhënave të Emergjencës Civile, nuk raportohet të ketë pasur dëme.