Lëkundje të forta të tokës në Tiranë, ja ku ishte epiqendra

Mbrëmja e sotme riktheu ndjesinë e tmerrshme të tërmeteve në kryeqytetin shqiptar nga 26 Nëntori i vitit 2019, ku në harkun kohor prej 22 minutash u dëgjuan 4 tërmete, tre prej të cilave shumë të fuqishme ndonëse ishin me epiqendër në Shqipëri, Greqi dhe Maqedoni të Veriut.

Tërmeti i parë, sipas Qendrës Mesdhetare Sizmologjike, EMSC, u shënua në Shqipëri në orën 22:31, me magnitudë 2.3 të shkallës Rihter dhe thelësi 21 km, me epiqendër në Detin Adriatik, 10 km afër Durrësi dhe 28 km nga Tirana.

Në orën 10:44, EMSC raporton për tërmet me magnitudë 5.5 të shkallës Rihter dhe thellësi 10 kilometra, me epiqendër 4 kilometra afër Follorinës dhe 119 kilometra afër Elbasanit që ishte dhe tërmeti që shkaktoi panik në Tiranë, Shkup dhe Prishtinë.

Por epiqendra e tërmetit pas 1 minute u spostua në Maqedoninë e Veriut, përkatësisht 19 kilometra afër Manastirit dhe 118 kilometra nga Elbasani. Sipas EMSC, magnituda e tërmetit ishte 3.5 të shkallës Rihter dhe thellësi 10 kilometra.

Dhe, lëkundjet sërish u rikthyen në Follorinë ku në orën 22:53 ra një tërmet me magnitudë 4.2 të shkallës Rihter, me epiqendër 10 kilometra nga Follorina dhe 121 kilometra nga Elbasani.

Qendra Mesdhetare Sizmologjike, EMSC, ka raportuar edhe për 4 pasgoditje tjera nga 3.1 deri 3.7 të shkallës Rihter.