Lëkundje të forta të tokës në Tiranë, ja ku ishte epiqendra

Mëngjesi i sotëm riktheu ndjesinë e tmerrshme të tërmeteve në Tiranë nga 26 Nëntori i vitit 2019, ku në harkun kohor prej 5 minutash u dëgjuan 2 tërmete shumë të fuqishme me magnitudë 4.1 dhe 4.0 të shkallës Rihter me epiqendër në Krujë.

Tërmeti i parë, sipas Qendrës Mesdhetare Sizmologjike, EMSC, u shënua në orën 8:59, me magnitudë 4.1 të shkallës Rihter dhe thellësi 5 km, me epiqendër 11 km afër Krujës dhe 17 km nga Tirana.

Ndërsa 5 minuta më vonë, Qendra Mesdhetare Sizmologjike, EMSC, shënon në orën 9:04, tërmet me magnitudë 4.0 të shkallës Rihter dhe thelësi 10 km, me epiqendër 8 km afër Krujës dhe 16 km nga Tirana.

Këto dy tërmete të fuqishme, sipas Qendrës Mesdhetare Sizmologjike, EMSC, vijnë pas atij të orës 7:45 i cili u shënua me magnitudë 2.4 të shkallës Rihter dhe thellësi 15 km, me epiqendër 16 km afër Korçës.