Lëkundjet e tokës vazhdojnë, mëngjesin e sotëm në Lushnje

Lëkundjet e tokēs kanë vazhduar edhe mëngjesin e sotëm por tashmë epiqendra është afëe qytetit të Lushnjes.

Sipas Qendrës Sizmologjike Mesdhetare, EMSC, në orën 01:25 një tërmet me magnitudë 4.3 dhe thellësi 10 km ra 10 kilometra afër qytetit të Lushnjes dhe 29 kilometra nga Elbasani.

Sërish në orën 04:35 një tërmet me magnitudë 3.0 të shkallës Rihter dhe thellësi 10 km, ka rënë 13 km afër Lushnjes dhe 25 km nga qyteti i Elbasanit.

Por toka nuk po qetësohet. Në orën 07:18 një tërmet me magnitudë 3.2 të shkallës Rihter dhe thellësi 2 km, ka rënë 16 km afër Lushnjes dhe 22 km nga qyteti i Elbasanit.

Ndryshe, një tërmet me magnitudë 3.6 të shkallës Rihter dje ka zgjuar dhe ka krijuar një shqetësim jo të vogël në qytetin e Durrësit, të cilët tashmë po bashkëjetojnë që një vit me lëkundjet e tokës.