Lëshimi i zërave gjatë gjumit, mund të fshij traumat
Lëshimi i zërave njerëzve që flejnë gjumë, mund të ndihmoj që të harrojnë kujtime të caktuara, ka treguar studimi më i ri.
Shkencëtarët u shprehën se kjo metodë një ditë mund të zhvilloj teknikën e cila do të ndihmoj në luftën kundër kujtimeve traumatike. Studimet e mëparshme kanë treguar se riprodhimi i sinjaleve zanore gjatë gjumit mund të përdoret për forcimin e kujtimeve të caktuara.
Mirëpo, shkencëtarët sugjerojnë se studimi më i ri është i pari i cili ofron dëshmi të forta se teknika gjithashtu mund të përdoret që njerëzit të harrojnë.
Udhëheqësi i studimit Dr.Bardur Joensen, ish doktorant në Departamentin e Psikologjisë në Universitetin York, sqaroi:
“Ndonëse në këtë fazë janë shumë eksperimentale, rezultatet e studimit tonë rrisin mundësinë, që të rrisim dhe ulim thirrjet e kujtimeve specifike me lëshimin e sinjaleve zanore tek individët që flejnë gjumë,” thotë Dr.Joensen duke shtuar:
“Njerëzit që kanë përjetuar traumë mund të vuajnë nga një spektër i gjërë i simptomeve shqetësuese për shkak të kujtimeve në ato ngjarje. Edhe pse është shumë larg, zbulimi jonë mund të hap rrugën për teknika të reja për dobësimin e këtyre kujtimeve që mund të shfrytëzohen me terapi ekzistuese.”
Ndërsa bashkëautori i studimit, Dr.Aidan Horner nga Departamenti i Psikologjisë në Universitetin York, thotë se marrëdhënia në mes të ëndrrës dhe kujtesës është magjepsëse.
“E dijmë se ëndrra është kyçe për përpunimin e kujtesës, e kujtimet tona janë zakonisht më të mira gjatë periudhës së ëndrrës. Mekanizmat e saktë në lojë ngelen të paqartë, por gjatë gjumit duket sikur lidhjet e rëndësishme forcohen, e ato të parëndësishme hidhen poshtë,” thotë Dr.Horner i bindur se studimi ka hapur mundësi që me këtë proces të manipulohet duke përdor gjumin për dobësimin e kujtimeve të dhimbshme ndërsa përfundon:
“Hapat e mëtejmë për ekipin tonë të shkencëtarëve janë që të vërtetojnë se si shkaktojnë harresën këto sinjale zanore, në mënyrë që të përfshijmë ose përjashtojmë efektin, dhe nëse mund të shfrytëzojmë teknikën e ngjashmem për dobësimin e kujtimeve ekzistuese nga bota reale.”
