Lëshohet urdhër arresti nga SPAK, Berisha: Tom Doshi ia mbathi!

Kryetari i Partisë Demokratike, Sali Berisha, tha sot se Kryetari i PSD-së, Tom Doshi është arratisur, ndërkohë ishte prerë urdhër arresti nga SPAK.

“Miq, gosipi i qytetit gumëzhiti mbrëmë anë e kënd e qoshe-qoshe të Tiranës se Tom Doshi u arrestua, se Tom Doshit i kanë prerë urdhër-arrestin skapistët e partisë dhe se Tom Doshi ishte diku larg apo te Rrapi e Treshit dhe sot në mëngjes do paraqitej burrërisht në SKAP për tu burgosur,” shprehet Sali Berisha përmes rrjetit social Facebook për aleatin e Kryeministrit Edi Rama dhe disa ditë më parë u thirr në SPAK ndërsa përfundon:

“Sot në mëngjes gosipin e mori era dhe bashkë me të edhe urdhër-arrestin për Doshin, aleatin besnik të Ramaduros. Toma, që pardje ishte në Skap dhe dje u largua në drejtim të paditur, mbasi u urdhërua që t’ia mbathi. Rroftë drejtësia e Partisë së Krimit.”