Letër Albin Kurtit, Thaçi: Nuk e shfrytëzove…

Pasi nuk e propozoi kandidatin e ri për Kryeministër, Presidenti i Kosovës, Hashim Thaçi, i dërgon sërish Letër Kryeministrit në detyrë, Albin Kurtit, ku konstaton se me veprimet e tij, Kurti nuk e paska shfrytëzuar të drejtën e tij të propozimit të kandidatit të ri për ta formuar Qeverinë e re.

Dhe, atë që po pret shërbëtori i tij Isa Mustafa, Thaçi i tha Albin Kurtit se do të bëjë një konsultim të përbashkët me liderët e partive politike parlamentare për hapat e mëtejmë që do të ndërmerren, në pajtueshmëri me Kushtetutën e Kosovës. 

Në fund, Hashim Thaçi si mjeshtër i krijimi të krizave e tashmë i ndihmuar nga Isa Mustafa dhe Ramush Haradinaj, i ndërgjegjshëm për acarimin e situatës, i kujton Albin Kurtit se në pajtim me mandatin kushtetues të Presidentit të Republikës së Kosovës është përgjegjësi e tij ta ruajë  stabilitetin e vendit dhe ta garantojë funksionimin demokratik të institucioneve të Kosovës.