Letër “mashtruesit” Albin Kurti, Haradinaj: Të lutem mos e largo taksën ndaj Serbisë!

By Pa frike Last updated Shk 6, 2020 528

Vetëm dy javë më parë, Ish-Kryeministri i Kosovës, Ramush Haradinaj, pas mbledhjes së qeverisë e cilësoi Albin Kurti mashtrues duke shtuar se qasja e tij ndaj temave të rëndësishme për vendin janë mashtruese.

Ndonëse nuk është e qartë se çfarë teme është taksa 100 % ndaj produkteve serbe për Ish-Kryeministrin, ai sot i drejtohet këtij “mashtruesi” përmes një letre si Kryeministrit të dashur të Kosovës, duke e pranuar se Albin Kurti ka sakrifikuar shumë, ka rënë në burgje e sfida por ka qëndruar stoikisht në atë që beson, ndërsa i lutet të mos e largoj taksën ndaj Serbisë:

“Albin, mos e lejo tregun e fitimit të mbi 400 milionë Euro-ve për Serbinë, shtetin i cili të ka rrahur e të ka torturuar. Shtetin, që me paratë e popullit të Kosovës blenë armë në Rusi. Të lutem, mos e kamuflo këtë vendim sovran me terme të mjegullta siç është “reciprociteti”,” thekson Ramush Haradinaj në letrën e hapur duke e konsideruar edhe këtë “mashtrues” edhe mik, e miku që është mik i vërtetë, sipas Ish-Kryeministrit, të don e të ndihmon me lavd, por edhe me kritika.

Ndryshe, vetëm dy javë më parë ndërsa Kryetari i Lëvizjes Vetëvendosje, Albin Kurti, vazhdonte përpjekjet për krijimin e koalicionit qeverisës, Ish-Kryeministri Ramush Haradinaj pas mbledhjes së qeverisë duke rikonfirmuar bindjen e tij u shpreh:

“Nuk kemi komunikim me VV, unë kam deklaruar se zoti Kurti po mashtron, është një mashtrues se bindja ime është qasja e tij ndaj temave është mashtruese, qytetarët vendosën ne me mbet në opozitë!”

Kosovo prime minister Ramush Haradinaj, speaks to the media during a press conference in Kosovo capital Pristina on Tuesday, Dec. 18, 2018. Haradinaj blamed Europe Union’s foreign policy chief for “deviating the dialogue” on normalizing ties with Serbia. Haradinaj said that, while Serbia is taking major steps toward the integration with the bloc, his country’s residents have remained “in a ghetto,” not enjoying the visa-free travel to EU countries though it has fulfilled all requirements. (AP Photo/Visar Kryeziu)

Letër e hapur Kryeministrit të Republikës së Kosovës, z. Albin Kurtit

I dashur Albin,

Para pak ditësh të telefonova për të uruar postin e Kryeministrit. Sot po të shkruaj për diçka tjetër. Bashkë me popullin e Kosovës, ti ke sakrifikuar shumë. Ke rënë në burgje e sfida por ke qëndruar stoikisht në atë që beson. Aktivistët e Lëvizjes Vetëvendosje me vetëmohim të pashoq të kanë qëndruar besnikë në kauzën tënde. Ne mund të mos pajtohemi për shumë gjëra të politikës ditore, por sakrificën gjithmonë ta kam njohur.

Për shkak të kësaj sakrifice dua që personalisht të lutem të mos e largosh taksën ndaj Serbisë.

Albin, mos e lejo tregun e fitimit të mbi 400 milionë Euro-ve për Serbinë, shtetin i cili të ka rrahur e të ka torturuar. Shtetin, që me paratë e popullit të Kosovës blenë armë në Rusi. Të lutem, mos e kamuflo këtë vendim sovran me terme të mjegullta siç është “reciprociteti”.

Mos e hjek taksën Albin. Mos u tërhiq për disa poena të përkohshëm që mund t’i fitosh nga bashkësia ndërkombëtare. Miku që është mik i vërtetë të don e të ndihmon me lavd, por edhe me kritika. Nëse nuk jemi të zotët e vetes nuk na don as miku.

Rikonsideroje vendimin Albin. Ne mund të vazhdojmë të mos pajtohemi. Për këto mospajtime sovrani ka dhënë verdiktin më 6 Tetor, por kjo është një temë më e madhe se sa një grusht vota.

Albin, ne të dy kemi kaluar nëpër rrugë të vështira. Ne garojmë dhe do të vazhdojmë garën politike. Nuk kemi arritur deri këtu ku jemi si Kosovë me taktizime të përkohshme, por me sakrificë e qëndrueshmëri. Ne kundërshtim të Serbisë duhet të jemi bashkë deri në njohje reciproke e jo të jesh për një “reciprocitet” pa njohje.

Ramushi