Letërnjoftimin italian, patentshoferin shqiptar, vetë nga Kosova

Policia gjermane e quan rast të “falsifikimit total” atë që ka prezantuar 37 vjeçari “italian”. Disa dokumente të ndryshme, të gjitha të falsifikuara ishin ato që kosovari ia tregoi policisë në Gmund, shrkuan merkur.de.

Siç ka raportuar inspektoriati policor Bad Wiessee, policët kanë ndaluar të mërkurën më 30 tetor rreth orës 17.000 shoferin e një makine dhe tre shoqëruesit e tij. Ndalimi ishte bërë në kuadër të një kontrolli të përgjithshëm në trafik.

Kur policët i kërkuan për t`i kontrolluar dokumentet personit që drejtonte makinën, ai u ofroi atyre një letërnjoftim (dokument identiteti) italian dhe një patentëshoferi të Shqipërisë. Të dy dokumentet rezultuan të falsifikuara, thotë policia, raporton Albinfo. Dhe për më tepër, personi në fjalë nuk ishte as shtetas i Shqipërisë dhe as i Italisë por i Kosovës.

Policia ka nisur hetimet kundër tij për veprat penale falsifikim dokumentesh, qëndrim ilegal në Gjermani dhe drejtim të makinës pa patentshoferi.