Letra/ Ardi Veliut i mbaron kandili!
Ardi Veliut i mbaron kandili! Drejtori i Përgjithshëm i Policisë së Shtetit, Ardi Veliu, dha dorëheqjen nga detyra dhe lajmin e bëri të ditur Kryeministri Edi Rama duke publikuar dhe letrën e dorëheqjes teksa e falënderon për përkushtimin e posaçëm.
“Me konsideratën më të lartë për ndershmërinë, profesionalizmin dhe përkushtimin e posaçëm të Drejtorit të Përgjithshëm të Policisë së Shtetit, Ardi Veliu, dhe me bindjen se ai ka akoma shumë për t’i dhënë shtetit në detyra të tjera, e falënderoj nga zemra për kontributin e vyer,” thekson Edi Rama përmes rrjetit social Facebook.
Ndryshe, dorëheqja e Drejtorit të Përgjithshëm të Policisë së Shtetit, Ardi Veliu, erdhi pas raportimit në media të shkarkimit të Veliut dhe deklaratës së Ministrit të Brendshëm, Bledi Çuçi, në Komisionin e Sigurisë se “do e merrni vesh në momentin e duhur, kur t’i mbarojë apo jo kandili”.
