Letra e Presidentit Trump, Osmani falënderon: Kosova do qëndrojë krah për krah me SHBA, në çdo sfidë!

Presidentja e Kosovës, Vjosa Osmanin ka publikuar sot letrën e Presidentit amerikan Donald Trump ku shprehet mirënjohje për përkushtimin e saj për forcimin e partneritetit SHBA-Kosovë, i bindur se së bashku do të vazhdojnë të avancojmë qëllime të përbashkëta, duke mbetur e përkushtuar të punojë së bashku me Presidentin Trump për ta thelluar edhe më tej aleancën tonë në vitet që vijnë.

“Shtetet e Bashkuara dhe Kosova ndajnë një lidhje të thellë të ndërtuar mbi respektin e ndërsjellë, vlerat demokratike të përbashkëta dhe një vizion për një të ardhme paqësore dhe të begatë. Përkushtimi juaj për forcimin e këtij partneriteti nuk ka kaluar pa u vërejtur, dhe jam i bindur se së bashku do të vazhdojmë të avancojmë qëllime të përbashkëta,” shprehet Donald Trump në letrën drejtuar Vjosa Osmanit duke e falënderuar për udhëheqjen e guximshme dhe për qëndrimin e saj si një mike e vërtetë e Shteteve të Bashkuara.

Nga ana e saj, Presidentja Vjosa Osmani siguron Presidentin amerikan Trump se Kosova do të vazhdojë të qëndrojë krah për krah me SHBA-të, në çdo sfidë e çdo sukses.

“Faleminderit Presidentit Trump për përkrahjen e tij, si dhe për fjalët e fuqishme për partneritetin me Kosovën.

Kosova do të vazhdojë të qëndrojë krah për krah me SHBA-të, në çdo sfidë e çdo sukses,” tha Presidentja e Kosovës, Vjosa Osmani, duke mbetur e përkushtuar të punojë së bashku me Presidentin Trump për ta thelluar edhe më tej aleancën tonë në vitet që vijnë.

Letra: 

E nderuar Zonja Presidente,

Dua të shpreh mirënjohjen time të sinqertë për ndihmën tuaj të jashtëzakonshme në pranimin e qytetarëve jashtë vendit tuaj – një veprim që dëshmon përkushtimin e fortë të Kosovës ndaj bashkëpunimit me Shtetet e Bashkuara. Udhëheqja juaj në këtë çështje është dëshmi e forcës dhe dhembshurisë së popullit të Kosovës.

Shtetet e Bashkuara dhe Kosova ndajnë një lidhje të thellë të ndërtuar mbi respektin e ndërsjellë, vlerat demokratike të përbashkëta dhe një vizion për një të ardhme paqësore dhe të begatë. Përkushtimi juaj për forcimin e këtij partneriteti nuk ka kaluar pa u vërejtur, dhe jam i bindur se së bashku do të vazhdojmë të avancojmë qëllime të përbashkëta.

Ju falënderoj sërish për udhëheqjen tuaj të guximshme dhe për qëndrimin tuaj si një mike e vërtetë e Shteteve të Bashkuara.

Me padurim pres të punoj ngushtë me ju në vitet që vijnë.

Zonja e Parë i bashkohet urimeve më të mira nga ana jonë.