Letra e Ramës për dibranët/Paloka: E meriton një përgjigje si prej Dibre
Nënkryetari i PD-së Edi Paloka ka reaguar lidhur me letrën e Edi Ramës ndaj dibranëve për Rrugën e Arbrit.
Ndërsa e quan ‘ordiner’ Ramën, Paloka i thotë se ai ‘e meriton një përgjigje tamam si prej Dibre’.
Komenti i Edi Palokës
Ordiner…!
Shpresoj qe dibranet te ta kthejnë përgjigjen siç e meriton e siç dinë ata.
Ka pese vjet qe nuk bën asnjë pune. Vetëm logje e guxon dhe te ironizoje ata qe e kane akuzuar për këtë.
Te vetmet “inagurime” qe ka bere ne 5 vjet kane qene investime te projektuara, financuara dhe iniciuara nga qeveria Berisha.
Ka 5 vjet qe “rritjen ekonomike” e llogarit bazuar tek te vetmet investime madhore qe vazhdojnë ne Shqipëri e qe janë TAP-i dhe “Devolli Hydropoëer”, për te cilët e di dhe me i humburi ne ketë vend qe janë investime te qeverise Berisha.
Sot ka gjetur momentin te mburret e njëkohësisht te bej dhe ironi me mashtrimin e radhës qe ka te bej me Rrugën e Arberit.
Pasi i gënjeu për 5 vjet me radhe dibranet , tani flet me paturpësi per ‘fillimin e punimeve, te pritura për 100 vjet’.
Këta duket sikur kane dale te gjithë nga i njëjti vend i ndyre; ‘rilindas’ e 99-sha , mashtrues ordinere e shpifësira.
Rruga e Arberit është nisur po ashtu nga qeveria Berisha e cila ka realizuar te paktën 60% te punimeve te saj deri ditën qe Edvini erdhi ne pushtet. Kete e dinë jo vetëm dibranet e matjanet po dhe çdokush qe i ka rene rruga për ne Dibër. Siç e dinë po aq mire se qe nga dita qe Rama ka ardhur ne pushtet i ka mashtruar dibranet , një here ne 6 muaj., sa here i është dashur te shkoj për fushate ne Dibër.
Tani , i pafytyre sic eshte, i fton “ne Peshkopi dhe Klos “…”për fillimin e punimeve te pritura për 100 vjet.”
Dibranet nuk kane 100 vjet qe presin “fillimin e punimeve” ooo…
Kane 5 vjet qe presin rifillimin dhe përfundimin e punimeve qe ti i ndërpreve kur erdhe ne pushtet o…edvin.
Ti e do një përgjigje, tamam si prej Dibre, e shpresoj qe dibranet te ta japin.
