“Letra e Thaçit”, Përgjigjet Kurti: Interes politik dhe synim personal i Presidentit

Pasi Presidenti Hashim Thaçi, i kërkoi përmes një letre propozimin për Kryeministër të ri, Kryeministri në detyrë dhe Kryetari i Lëvizjes Vetëvendosje, Albin Kurti, duke e konsideruar shkelje të Kushtetutës tha se Thaçi nuk është neutral dhe të gjithë këtë po e bënë për synime personale.

Ja postimi i plotë:

Ajo që ishte e nevojshme por nuk u bë, përbën shkelje. Presidenti ka vendosur të anashkalojë nenin 82.2 të Kushtetutës së Republikës së Kosovës i cili i referohet situatës pas mocionit të suksesshëm të mosbesimit ndaj Qeverisë. Presidenti po sillet thua se Qeveria varet nga Kuvendi por ky s’varet nga populli, thua se zgjedhjet demokratike janë mjet por jo edhe vlerë.

Ajo që ishte e panevojshme por u bë, po ashtu përbën shkelje. Presidenti takoi gjitha partitë parlamentare politike, dhe, më pas kërkoi nga subjekti ynë fitues i zgjedhjeve të propozojë kandidatin për Kryeministër. Pra, Presidenti nuk është neutral, ai ka interes politik dhe synim personal, gjersa duhej t’ishte i paanshëm e procedural. Disi don të besojë se 25 marsi 2020 ka ndodhur pa 3 shkurtin 2020!

Sidoqoftë, ne do t’i përgjigjemi, në një moment të përshtatshëm, në këtë kohë virusi.