LETRA/ PD i thotë jo pjesëmarrjes në nënkomisionin e mbikqyrjes së Vettingut për policinë…
Partia Demokratike nuk do të çojë përfaqësuesit e saj në nënkomisionin parlamentar për mbikqyrjen e Vettingut në polici.
Përmes një letre që mban firmën e Kreut të Grupit Parlamentar demokrat, Edmond Spaho, PD njofton Kryetarin e Kuvendit, Gramoz Ruçi, mbi vendimin, ndërsa e konsideron proçesin një farsë.
PD thekson se përsa kohë Ministria e Brendshme drejtohet nga ministra të lidhur me krimin e organizua, që nuk pranon të jetë pjesë e proçesit të Vettingut, atëherë kjo është një farsë, në të cilën PD nuk mund të bëhet pjesë.
PD thekson se është e papranueshme që sipas ligjit një punonjës i thjeshtë nuk mund të jetë pjesë e strukturës së shtetit edhe nëse ka një kushëri të dënuar, ndërkohë që drejtuesit politikë kanë kontakte të papranueshme me krimin e organizuar dhe vijojnë detyrën.
