Levan –Tepelenë, aksidentohet çifti duke u kthyer në Tiranë për ditën e dasmës

Një aksident ka ndodhur në autostradën Levan – Tepelenë në vendin e quajtur Selishtë, ku një makinë ka dalë nga rruga duke shkaktuar dy të lënduar.

Si pasojë e përplasjes gjendja shëndetësore e 31-vjeçarit paraqitet e rëndë nga frakturat e marra në disa pjesë të trupit. E lënduar ka mbetur edhe e fejuara e tij, e cila ka marrë plagë të lehtë.

Në mjetin tip “Skoda” po udhëtonte një çift, të cilët ishin nisur nga Greqia në drejtim të Tiranës ku banonte drejtuesi i automjetit, i identifikuar si Samir Muçaj. Çifit kthehej në Tiranë për ditën e dasmës, por 31-vjeçari ka humbur kontrollin e mjetit duke dalë nga rruga dhe duke përfunduar në një fushë në anë të autostradës.

Nga hetimet paraprake shkaku i aksidentit dyshohet të ketë qenë lodhja dhe përgjumja e drejtuesit