Librazhd-Pogradec, ARRSH: Bllokohet qarkullimi i kamionëve dhe autobusëve!

Pas përkeqësimit të situatës me rrëshqitjen e dheut në aksin Librazhd-Pogradec tek vendi i quajtur Arrat e Gurrës, Autoriteti Rrugor Shqiptar, ARRSH bënë të ditur se në koordinim me Policinë e Shtetit ka vlerësuar se për arsye sigurie duhet të ndaloj qarkullimin e mjeteve të tonazhit të rëndë dhe i autobusëve në këtë segment.
“U bëjmë thirrje drejtuesve të mjeteve të tonazhit të rëndë dhe operatorëve të transportit të shmangin këtë aks dhe të përdorin rrugë alternative, deri në stabilizimin e plotë të situatës,” thekson ARRSH përmes një njoftimi duke kërkuar mirëkuptimin e të gjithë përdoruesve të rrugës.

Njoftim:

Në vijim të njoftimit të mëparshëm për aksin Librazhd-Pogradec vendi i quajtur Arrat e Gurrës, ju informojmë se situata në vendin e rrëshqitjes është agravuar ndjeshëm gjatë orëve të fundit.

Pas vlerësimit në terren, Autoriteti Rrugor Shqiptar, në koordinim me Policinë e Shtetit, njofton se:

Do të ndalohet qarkullimi i mjeteve të tonazhit të rëndë dhe i autobusëve në këtë segment, deri në një njoftim të dytë, për arsye sigurie.
U bëjmë thirrje drejtuesve të mjeteve të tonazhit të rëndë dhe operatorëve të transportit të shmangin këtë aks dhe të përdorin rrugë alternative, deri në stabilizimin e plotë të situatës.

Kërkojmë mirëkuptimin e të gjithë përdoruesve të rrugës. Çdo masë e marrë ka si qëllim të vetëm garantimin e sigurisë së jetës dhe parandalimin e incidenteve të mundshme.