Librazhd- Rrajcë dhunë dhe terror policor, erdhi gallatxhiu gallatë me na shitë…
E gjithw policia ishte në këmbë për vizitën e Kryeministrit Edi Rama nga Rrajca në Librazhd. U dhunua dhe terrorizua kush i doli para, nuk u kursyen as deputetët e opozitës, dhe u krijua ideja se misioni i tij ishte shumë i rëndësishëm.
Në Rrajcë sulmoi opozitën, nuk kursye as kryetaren e Bashkisë Prrenjas, Miranda Rira e cila para ca ditësh ka lindur, madje shpalli edhe fitoren e rilindjes në zgjedhjet e 30 Qershorit dhe u nis drejtë Librazhdit, aty ku duhet ti zbardhte fytyrën Taulant Ballës dhe enveristëve besnik që kishte mbledhë Tau, ku janë dhe ku s’janë nëpër Shqipëri.
Paraardhësi i tij Enver Hoxha, me takimet e tij të famshme “gju më gju me popullin” fliste broçkulla por njihej si injorant. Ky dijetari i madh që tjetërsoi partinë, u ndryshoi dhe ngjyrën e kuqe komunistëve, u prit me entuziazëm në Librazhd. Po vjen, Edi Rama!
Ja dhe erdhi, në Qarkun më kriminal në Shqipëri, ku sundon krimi dhe jo policët e Ish-Gjeneral Sandër Lleshajt që nuk arrestojnë dot asnjërin prej bandave kriminale, por prezenca e Edi Ramës la mbrapa dhjetëra të arrestuar që ishin pjesëmarrës të protestave opozitare kundër këtij lloj Kryeministri.
Por Edi Rama do të realizonte qëllimin me mitingun qeveritar “Bashkia që Duam”! Po a ia vlente kjo vizitë dhe gjithë kjo dhunë policore, cili ishte mesazhi i Edi Ramës në Librazhd.
Erdhi, bëri gallatë dhe iku duke lënë enveristët e Taulant Ballës të varfër, të mjerë dhe pa bukë, ashtu siç ishin nga viti 1946.
Po çfarë u tha qytetarëve të Librazhdit që aq shumë shpresonin duke parë vendosmërinë e Edi Ramës për të qenë prezent në këtë miting idiot. Po çfarë kishte tu thoshte njerëzve që i la pa bukë pas aq shumë premtimeve.
Foli për zgjedhjet e 30 Qershorit, shau opozitën dhe tregoi gallata dhe histori nga Parlamenti me Lulin dhe Monën.
Dhe, në delir e sipër duke qenë i bindur se më 30 Qershor do të marrë të gjitha bashkitë, ngatërroi paksa vitin 1920 kur një parti italiane u shkri, duke paralajmëruar të njëjtin fat edhe për partitw opozitare shqiptare. E për ata që po e dëgjonin dhe nuk po e kuptonin sa edhe Enver Hoxhën, Kryeministri Edi Rama po thoshte se po vjen fashisti Duçe, gjë të cilën e kishin të qartë ata mijëra protestues që i kishin bllokuar rrugën për të mos njollos Elbasanin, Librazhdin dhe Prrenjasin:
“Ku mbushin zyrat e huaja që atyre i vidhen votat, por ka një mënyrë shumë të thjeshtë për ta arsyteuar gjithë këtë. Jo vetëm në Librazhd por në gjithë Shqipërinë. Tani ka demokratë me mend në kokë që të thotë se ishte më kollaj të munde saliun me gjithë shtetin sesa të mundesh lulin me gjithë fallxhpren që e mban në krah. Akoma më mirë se jemi aty për të arritur fitoren, por në 30 qershor do t’i mundim edhe në Kukës shumë më thellë nga ç’i mundëm më parë. S’e nuk ka demokratë të arsyeshëm, që të thotë që PD është bërë më e fortë dhe kryetari i PD-së është bërë më i zoti. Çfarë kanë bërë kur humbën zgjedhjet. Zgjedhjet i humbën duke qenë në qeveri, duke pasur ministrinë e Brendshme, ministrin e Financave, arsimit, duke pasur të gjithë ministritë e mëdha që nga OSHEE patjetër dhe Drejtorinë e Burgjeve. Se pa drejtorinë e Burgjeve i duket sikur nuk do fitojnë zgjedhjet. Ishin mësuar që kriminelët t’i nxjerrin me leje barre për të lindur. Bridhnin në gjithë zonat e Shqipërisë në të gjithë zonat e vendit për të kërcënuar vendin,” tha Kryeministri duke paralajmëruar konvertimin e rilindjes në parti fashiste ndërsa fliste për opozitën e cila zgjodhi të djegë mandatet:
“Ata zgjodhën të bëjnë diçka që askush nuk e ka bërë. Ka vetëm një parti që ka bërë atë që kanë bërë ata. Vetëm, një parti në vitet ’20 në Itali bëri atë c’ka bënë ata. Dhe ajo parti u shkri, kështu do shkrihen edhe ata. Ashtu do shkrihen dhe ata se zgjodhën të tradhëtojnë popullin e tyre. Noc Rrokun do marrësh o Lul. Se kush do marrë Nocin dhe kush do marrë Rrokun ndaje me Monikën. 30 vjet kjo histori duhet të marrë fund. Sepse e provuam dy vjet para sot Lulin e kisha poshtë penxheres, më këndonte himnin poshtë penxheres. Më vinte me çadër. Dhe kur nuk e mori gjysmën tjetër filloi prap nga e para. Nuk ka më gjysma gjysma dhe asnjë lloj zgjedhje për të negociuar mandatin që na keni dhënë ju. Por na keni dhënë mandatin për të mbështetur fermërët dhe të krijojmë kushte më të mira për ata që vijnë pas nesh. Nuk na keni dhënë mandatin që të shohim filxhan me Monën. Thotë Mona e pashë Lul, edhe pak po vjen. Pashë një E që po shkon poshtë, një L që po ngrihet dhe një T këmbë përpjetë,” po i thoshte Edi Duçja administratës së prangosur nga Taulant Balla për të dëgjuar tashmë edhe zyrtarisht liderin e ardhshëm fashist.
Dhe, kur pa ca buzëqeshje ndër popullin e Taos vazhdoi broçkullat me me gallatën opozitare, Lulin dhe Monën:
“Hipin nëpër pemë, keni parë ju me tjetër lloj soj që të detyrohesh të lyesh shtyllat me graso që të mos hipin nëpër shtylla. Çfarë bëjnë. Mirë që nuk vijnë këtu, se këtu s’kanë, janë me kokrra. janë dhe si të trullosur nga bastet, se janë mbyllur dhe bastet se do i kishin sakatuar këto pemët e reja që janë mbjellë. 16 pika bastesh këtu në Librazhd, futu e merr e lej. Merr ndihmën ekonomike në fillim të rrugës, lërja Ronaldos në fund të rrugës. Unë e di që ka akoma probleme me ata që lozin online dhe organizojnë lodra. Online e ka problem gjithë bota, ama sot ka ardhur koha të marrim disa masa të reja me kodin penal. Kush organizon, të shkojë në burg. Nuk ka më ‘kape, thirre, do bëhem çun i mirë, dil e organizo prapë’. Kush organizon në një vend të ndalur të shkojë në burg. Dhe për ndezjen e zjarreve do ketë masa,” tha Edi Rama i bindur që ata që po e dëgjojnë edhe po e besojnë.
Dhe, meqë nuk kishte se çfarë ti thoshte qytetarëve të Librazhdit të cilët vazhdon dhe i mashtron që nga viti 2013, vazhdoi të flas për Parlamentin dhe vezët me të cilat ishte gjuajtur:
“Vjen kryetari i opozitës futet në sallë me pallto, një pallto të madhe. Unë thashë do jetë sëmurë, do ketë ndonjë të ftohme. Ai ishte plot me vezë se është rregull që nuk kontrollet kryetari i opozitës. Dhe duhet të mërzitemi ne pse ikën këta nga parlamenti. Po të ikin, madje ikën vonë… në rrugë le të rrinë.”
Opozitë që djegë mandatet është e rrallë në botë, por Kryeministër që flet broçkulla të tilla nuk ka në botë. Lul, Mona, Gjysh Sali, qofte, qyl, filxhan janë fjalët që përmbledhin fjalimin e sotëm të Kryeministrit i cili nuk la njeri pa arrestuar sot vetëm që foli kundër tij vetëm për ti thënë qytetarëve të Librazhdit se qyl ka vetëm qofte:
“Unë nuk mund të them se në Shqipëri nuk kemi probleme me korrupsionit. Janë mbi 600 punonjës të administratës që janë larguar nga puna se nuk ia janë përgjigjur si duhet qytetarit. Kanë parë një xhaje aty dhe i kanë thën ik xhaje se kam pune. Dhe për të bërë më të mirën e mundshme, sot pashë lindjet në Bashkinë e Librazhdit, janë 63 nëna që kanë lindur, deri sot që flasim. Sot për bebet japim një bonus që është 8-fishi kur janë fëmijë vetëm. Sot kemi më shumë mundësi, nga ç’kishim vitin e kaluar. Si ta lëmë këtë punë në mes, se kemi hallin e Lulit dhe Monikës. Ata duan tepsinë, tepsinë nuk ka. Po luftojmë çdo ditë që tepsinë ta çojmë për Skrap. Kemi edhe ne shumë njerëz që nuk e meritojnë besimin tonë. Kjo nuk është diçka që bëhet sot për sot, kjo është luftë e përditshme. Ne e kemi përgjysmuar tarifën për fëmijët që çoni në Universitet. Se nuk do paguani ju ne taksat për ata që janë me 5. Ama atyre që janë me ndihmë ekonomike, ia paguajmë tarifën 100%. Ta lejmë këtë përgjysmë dhe t’i japim bursë Lulit dhe Monës. Mona nuk ka nevojë për bursë se sheh filxhan, sheh yjet, shef te sytë e tjetrit. Unë se kuptoj për çfarë i duhet pushteti Monës. E provuam njëher ia dhamë ça kërkojë dhe nuk e mbajti fjalën. S’ka sesi ta mbajë fjalën ai. Se është mësuar të marrë gjëra qyl Gjëra qyl ka vetëm qofte, te gjyshi Sali. Jo, kjo nuk ka për të ndodh, hyjnë ata apo jo në zgjedhje ne do vazhdojmë drejt. Nëse ata nuk janë zgjedhje, do t’i marrim përsipër të gjitha Bashkitë dhe do qeverisim më mirë. Atyre jo vetëm nuk ia keni parë harjin, por vetëm sherr. Ata duan vetëm bojë dhe sherr dhe bojën e duan të zezë. Dhe ooo të gjithë. Kujdo që i del përpara, i kemi munduar me Saliun imagjino tani me Monën dhe Lulin dhe ata të lodhurit që dalin me tepsi,” tha Kryeministri Edi Rama të cilit jo vetëm që nuk ja pa hajrin asnjë njeri, por 500.000 shqiptarë u detyruan ta braktisin atdheun vetëm pse erdhi në vitin 2013 gallatxhiu, gallatë me na shitë!
