Liderët e G7 në Francë, diskutime mbi Iranin, Rusinë dhe Amazonën

Liderët e vendeve më të fuqishme në botë sot në Samitin G7 në Francë pritet të diskutojnë programin bërthamor të Iranit dhe mundësinë e inkuadrimit të Rusisë në këtë grup.

Presidenti i Shteteve të Bashkuara, Donald Trump, para nisjes nga Washingtoni, u tha gazetarëve se pret një diskutim shumë të dobishëm me anëtarët e tjerë të G7-ës. Ai po ashtu bëri thirrje që Franca të tërhiqet nga plani për të vendosur taksa ndaj gjigantëve të teknologjisë në SHBA, Google dhe Facebook.

Macron tha se do të provojë të bindë Presidentin Trump për të nënshkruar një dokument që siguron mbrojtjen e natyrës pas zjarrit të vazhdueshëm dhe shkatërrues në Amazonë, raporton RFE.

Të gjithë sytë do të jenë nga marrëdhënia e Trumpit me pjesën tjetër të grupit. Këtë vit, Washingtoni ka bërë presion të vazhdueshëm ndaj Bashkimit Evropian , për të detyruar Teheranin të diskutojë për programin bërthamor.

Presidenti Trump po ashtu pritet të përballet me kundërshtime nëse vazhdon të insistojë se Moska duhet të kthehet në grup që më parë quhej G8. Rusia ishte përjashtuar nga formati G8 pas aneksimit të Krimesë së Ukrainës në mars të vitit 2014.

Anëtarët e tjerë të G7-ës kishin vendosur sanksione ndaj veprimeve të Moskës kundrejtë Ukrainës