Lideri opozitës në “zarf”, Rama: Nëse Berisha merr drejtimin, ndërpresim çdo marrëdhënie me PD

Kryetari i partisë më kriminale që nga ekzistimi i shtetit shqiptar, e cila ende nuk është përgjigjur për krimet nga viti 1945 vetëm sa ka ndërruar emrin nga PPSH në PSSH, Edi Rama, në shown e tij të radhës në parlament, sot kur ka marrë të gjitha pushtetet pretendon se mund të kushtëzoj opozitën duk e i përcaktuar dhe kushtet e përzgjedhjes së liderit, ashtu siç e ka nisur me “zarf” përzgjedhjen e Presidentit të ri të Republikës. Madje i bëri të qartë atyre demokratëve që nuk i binden se nëse Sali Berisha merr drejtimin e PD, Partia Socialiste do të ndërpresë çdo marrëdhënie me ta.

“Do të ishte mirë që dy gjëra të ishin të qarta. Me Saliun ne s’kemi punë. Për ne ai është i vdekur. Kuptohet politikisht dhe instucionalisht, jo biologjikisht. Bilogjikisht i urojmë jetë të gjatë. Me të vdekurin që e keni në mes të shtëpisë mos na ngatërroni. Kjo është e para,” tha Edi Rama i cili po e ndjen mungesën e Lulzim Bashës në krye të PD dhe nuk po e imagjinon dot se si do të vazhdoj qeverisjen përballë Partisë Demokratike me Kryetar Sali Berishën:

“Ne nuk e zgjedhim se kush e drejton grupin tuaj parlamentar. Nëse ju merrni vendimin për t’u drejtuar me një të vdekur, ne ndërpresim me PD çdo marrëdhënie,” tha Edi Rama duke e konsideruar me të drejtë si kalim të ylberit.

Ylberi në fakt është kaluar para 31 viteve, kur pas gjithë atyre krimeve komuniste kjo parti kriminale nuk është ndaluar me Kushtetutë por është lejuar të bëjë lavazhin e të kauarës së saj dhe sot pasardhësja të marrë të gjitha pushtetet dhe në fund të pretendoj se ka të drejtën ta zgjedhë edhe kryetarin e rivales politike.