LIDHENI/ Në Libofshë flet për Unazën e Re, Rama: Janë shpifje dhe sajesa, nuk kam thënë…
Në Libofshën me 1001 halle sot kryeministri Edi Rama u foli për konfliktin që ka krijuar me banorët e Unazës së Re në Tiranë. Por as këtu nuk e tha të vërtetën. Edhe në Libofshë e mohoi se ka premtuar legalizim të banesave dhe nuk e ka mbajtur fjalën ndërsa ka vazhduar me retorikën e vjetër se se nuk mund të legalizohen banesa të cilat janë në kundërshtim me ligjin dhe se nuk mund të përdoret hapësira e truallit të përbashkët për të ndërtuar, duke iu referuar banorëve të zonës së Astirit në Tiranë.
“U tha se unë paskam thënë që shtëpitë nuk prishen dhe tani po i prish por kjo nuk është e vërtetë, është një shpifje dhe një sajesë, sepse në 8 vjet te qeverisë së mëparshme u legalizuan 21 mija banesa, ne kemi legalizuar 150 mijë në 4 vjet.
Por nuk mund të legalizojmë në kurriz të buxhetit aty ky është e pamundur. Kurrë nuk ka pasur një protestë të udhëhequr nga partitë për një gjë që ligji nuk e lejon. Luftë për pushtet, gjej shesh bëj pushtet. Edi Ramën nuk e mundim dot me votë dhe hajde të bëjmë këto,” u shpreh Rama para banorëve, shumica prej të cilëve vetë përmes mediave mund kenë parë Unazën e Re ose siç e ka merak ta quaj ai dhe Fuga, Astiri.
“Nuk mund të legalizojmë aty ku ke zënë hapësirën e përbashkët, apo aty ku është plani për t’u ndërtuar rruga. As unk mund ta bëjë dot shteti që të legalizojë për të dhënë prona si pronarë, pasi i bie që i gjithë populli të punojë për të paguar ata që janë të palegalizueshëm. Por kur bëhet fjalë për shtëpi ka një përgjegjësi, në Shqipëri ka plot njerëz të nderuar që nuk e kanë shtëpinë e tyre dhe qiranë e paguajnë me rrogën e tyre dhe me taksën e tyre paguhet bonuesi për këta të tjerët,” u shpreh sot kryeministri Edi Rama për dallim nga ajo që u kishte thënë banorëve të Unazës së Re kur u kishte kërkuar votën.
E meqë e ka për zemër kur i serviret me zë dhe figurë, po i plotësojmë këtë dëshirë dikatotrit të Unazës së Re, Sheshit Shqiponja dhe gjithë Shqipërisë:
