Lidhja me kartelin Sinaloa, Berisha: Kjo është kontrata e Edi Ramës me McGonigalin ballkanik!

Kryetari i Partisë Demokratike, Sali Berisha, sot ka publikuar kontratën e Kryeministrit Edi Rama me ish-shefin e Shërbimit Sekret të Rumanisë, Gjeneral Fabian Coldeo, një McGonigal ballkanik, që sipas ish-kryeministrit, ka lidhur Ramën me kartelin më të rrezikshëm të drogës në botë, Sinaloan e Meksikës.

“Ky është dokumenti i lidhjes kontraktuale të Edi Ramës me ish-shefin e shërbimeve sekrete rumune, gjeneralin Coldeo, një McGonigal ballkanik! Ky dokument i datës 11/9/23 është i firmosur nga mafiozi Don Agaçio dhuratë madhi me të cilin gjenerali Coldeo emërohet këshilltar i jashtëm i mafiozit, kreut të narko-shtetit Edi Rama,” thekson Sali Berisha në reagimin e tij përmes rrjetit social Facebook që duke duke ju referuar mediave rumune, thotë se Coldeo ka lidhur Ramën me kartelin më të rrezikshëm të drogës në botë Sinaloan e Meksikës dhe botën e nëndheshme të krimit.

“Ai u pagua me shuma të mëdha nga Edi Rama dhe konfidenti i tij narko-trafikanti Ministër Taulant Balla për shërbime mafioze ndaj tyre,” shprehet Kryetari i PD duke publikuar dokumentin, që sipas tij, fakton një lidhje mafioze ndërkombëtare të Edi Ramës ndërsa përfundon:

“Ky dokument zyrtar fakton një lidhje tjetër mafioze ndërkombëtare të Edi Ramës dhe Taulant Ballës dhe narko-shtetit të tyre.”