Ligji i ri “Bast Arena”, Tabaku: Promovimi i kryeministrit, shenjë e qartë e qelisë prej nga porositen ligjet!
Nënkryetarja e Komisionit të Ekonomisë dhe deputetja e PD, Jorida Tabaku reagoi përmes rrjetit social Facebook për debatin dhe propagandën që po zhvillohej në Komisionin e Ekonomisë, duke theksuar se ata që sot flasin kundër basteve sportive dhe kazinove janë kumarxhinjtë e politikës që fatin e tyre e kanë vendosur në rulotën politike.
Në vitin 2015, rikuton deputetja e PD, ata sollën një ligj klientelist që e ndryshuan në seancën parlamentare për të përmbushur qokat e tyre elektorale:
“Janë ata që përmes një aksioni fasadë “Fundi Marrëzisë” prodhuan marrëzinë e basteve pafund; Janë të njëjtë me mazhorancës që nuk solli asnjë akt nënligjor për ligjin që miratoi;Janë të njëjtë me mazhorancën dhe kryeministrin që votuan shtyrjen e hyrjes në fuqi të Ligjit të Lojërave të Fatit që vetë votuan.”
Dhe jo vetëm kaq!
“Nën këtë kryeministër u dhjetëfishuan pikat e basteve në kundërshtim me çdo normë ligjore; Nën këtë mazhorancë u dha me koncesion tek kompania e lidhur me vëllain e kryeministrit Sistemi i Monitorimit Online të cilin po e shfrytëzon për të vjelur paratë publike; Nën këtë mazhorancë për një muaj rresht shqiptarët u bombarduan me publicitetin edhe promocionin e lojërave të fatit edhe në TVSH që paguhet me taksat e shqiptarëve.”
Prandaj kjo mazhorancë është e fundit që i takon të flasë me Bibël dhe Kuran për lojrat e fatit, thekson
Nëse sot kryeministri ankohet për mesazhet që i vijnë nga burgjet, thekson Nënkryetarja e Komisionit të Ekonomisë dhe deputetja e Partisë Demokratike, Jorida Tabaku, atëherë ai dëshmon se është peng jo i vesit të basteve por i vesit të të qenurit pjesë e të inkriminuarve ndërsa përfundon:
“Faktet thërrasin fort përfshirjen e mazhorancës në një tjetër grup të inkriminuar që sot për sot kërkon monopolin e kazinove dhe lojërave të fatit. Lejet e ndërtimit, ligji i ri me emrin “Bast Arena” dhe promovimi i kryeministrit janë shenjat e qarta të qelisë prej nga ku mazhoranca porosit ligjet.”
Ndryshe, përveç Edi Ramës sot kryetari i Komisionit të Ekonomisë, Erion Braçe gjatë diskutimit
të lojërave të fatit, duke falënderuar Kryeministrin dhe Ministrinë e Financave foli edhe një herë për kërcënimet që ka marrë ai dhe kolegët e tij: “Kemi marrë kërcënime nga segment të caktuar të lojërave të fatit, por nuk u ndalëm. Ja ku janë nuk u ndalën,” tha Braçe duke u munduar ti tregojë opinionit se kemi të bëjmë me deputetë parimor edhe pse të gjithë e dijnë se ligji ekzistues që ata e shfuqizuan është vetëm produkt i tyre, ndërsa shtoi sikur ishte i shqetësuar për vendin: “Kam vetëm në moment që dua ta ndaj këtu me ju barrën fiskale të lojërave të fatit për buxhetin e shtetit!”
Deklaratë e Nënkryetares së Komisionit të Ekonomisë, Jorida Tabaku
Ata që sot flasin kundër basteve sportive dhe kazinove janë kumarxhinjtë e politikës që fatin e tyre e kanë vendosur në rulotën politike:
– Ata sollën në vitin 2015 një ligj klientelist që e ndryshuan në seancën parlamentare për të përmbushur qokat e tyre elektorale.
– Janë ata që përmes një aksioni fasadë “Fundi Marrëzisë” prodhuan marrëzinë e basteve pafund.
– Janë të njëjtë me mazhorancës që nuk solli asnjë akt nënligjor për ligjin që miratoi.
– Janë të njëjtë me mazhorancën dhe kryeministrin që votuan shtyrjen e hyrjes në fuqi të Ligjit të Lojërave të Fatit që vetë votuan.
– Nën këtë kryeministër u dhjetëfishuan pikat e basteve në kundërshtim me çdo normë ligjore.
– Nën këtë mazhorancë u dha me koncesion tek kompania e lidhur me vëllain e kryeministrit Sistemi i Monitorimit Online të cilin po e shfrytëzon për të vjelur paratë publike.
– Nën këtë mazhorancë për një muaj rresht shqiptarët u bombarduan me publicitetin edhe promocionin e lojërave të fatit edhe në TVSH që paguhet me taksat e shqiptarëve.
Prandaj kjo mazhorancë është e fundit që i takon të flasë me Bibël dhe Kuran për lojrat e fatit. Nëse sot kryeministri ankohet për mesazhet që i vijnë nga burgjet atëherë ai dëshmon se është peng jo i vesit të basteve por i vesit të të qenurit pjesë e të inkriminuarve. Faktet thërrasin fort përfshirjen e mazhorancës në një tjetër grup të inkriminuar që sot për sot kërkon monopolin e kazinove dhe lojërave të fatit. Lejet e ndërtimit, ligji i ri me emrin “Bast Arena” dhe promovimi i kryeministrit janë shenjat e qarta të qelisë prej nga ku mazhoranca porosit ligjet
