Ligji për armët dhe rreziku i daljes nga Zona Shengen

Zvicra do të votojë të dielën, më 19 maj, nëse do të miratojë Ligjin për armët në përputhje me legjislacionin e Bashkimit Evropian, dhe paralajmëron se një “JO” mund të kërcënojë marrëdhëniet me bllokun.

Një kërkesë nga Bashkimi Evropian që Zvicra t’i ashpërson ligjet e saj të armëve ka shkaktuar një debat të rrallë kombëtar mbi pronësinë e armës së zjarrit në kombin, i cili ka një kulturë të thellë me armë, raportojnë mediat e huaja.

Ndërsa qeveria zvicerane ka paralajmëruar se legjislacioni i ri është vendimtar për mbajtjen e një numri të traktateve me BE-në, raporton albinfo.

Brukseli ndryshoi ligjet e veta të armëve dy vjet më parë pas një valë sulmesh terroriste vdekjeprurëse në të gjithë Evropën, duke ndaluar disa lloje të caktuara të armëve të zjarrit gjysmë automatik.

Zvicra nuk është anëtare e BE-së, por është e lidhur me bllokun nëpërmjet disa marrëveshjeve dypalëshe. Dhe, një votim “JO” do të shkaktonte përjashtimin e Zvicrës nga zona e udhëtimit pa viza Shengen dhe marrëveshjes së Dublinit që rregullonin procesin e kërkimit të azilit për Evropën.

Kjo do të kishte pasoja të mëdha për sigurinë, azilin dhe, madje edhe turizmin dhe do t’i kushtonte Zvicrës “disa miliarda franga zvicerane çdo vit”.

Votuesit duket se i kanë kushtuar vëmendje paralajmërimeve. Sipas anketës më të fundit të “gfs.bern”, 65 për qind e të anketuarve mbështetin ndryshimin e ligjit, krahasuar me 34 për qind që e kundërshtojnë këtë ligj.