Ligji për Rimëkëmbje Ekonomike, Vetëvendosje: I dedikohet një oligarku!

Pasi miratimit të Ligjit për Rimëkëmbje Ekonomike ka reaguar Lëvizja Vetëvendosje duke akuzuar Qeverinë Hoti se me këtë Ligj favorizohen oligarkët dhe të pasurit ndërsa dëmtohen taksapaguesit e varfër.

“E pamë që u dëshmua ajo që kemi thënë që nga fillimi që qëllimi i kësaj qeverie është që me paratë që janë në buxhet të mos u ndihmojnë qytetarëve e me ato para që janë në buxhet ka tendencë t’u ndihmojë oligarkëve e bizneseve të afërta me ta. Edhe tash e pamë se ky projektligj i dedikohet një oligarku, një kompanie që operon në Kosovë, e që ka kërkuar të lirohet nga renta minerare që është shumë milionëshe dhe të lirohet nga pagesa e energjisë së ripërtërishme,” tha deputeti i Lëvizjes Vetëvendosje, Hekuran Murati, duke shtuar se këto dy kosto do t’i bartë taksapaguesi i varfër i Kosovës ndërsa përfundon.

“Ky ligj s’mund të quhet i rimëkëmbjes. Është me shumë defekte, ka shumë pabarazi. Mund të quhet si një ligj që merr paratë nga taksapaguesit e varfër dhe i orienton drejt të pasurve e qytetarëve të tjerë u thuhet merrni paratë tuaja nga Trusti.”