“Like, Like, ti je gjallë”/Nuk është më thashethem, Ilir Meta në krye të Lëvizjes kundër…
Nuk është më thashethem! Pasi shkatërroi Qeverinë e Sali Berishës dhe solli në pushtet Edi Ramën, Ilir Meta u flak në opozitë nga partneri i koalicionit por nuk u dorëzua. Aksionin opozitar të Partisë Demokratike nuk e pëlqeu nga pozicioni i Presidentit ashtu siç kishte bërë si Kryeministër, dhe sajoi ca përralla me djegien e parlamentit me ca kosovarë ashtu siç kishte vepruar partia e tij mëmë në vitin 1997 dhe 1998, dhe lëvizja opozitare e drejtuar nga Lulzim Basha u tërhoq nga protestat, ashtu si dhe me premtimin se zgjedhjet e 30 Qershorit nuk do të mbahen.
Protagonizmi që ka kohë që i mungon Ilir Metës i erdhi në prehër me ndihmën e shumë faktorëve, filloi përplasjet me Edi Ramën për të shpallur një referendum idiot dhe në fund atë që më nuk është thatheshem, liderin e Lëvizjes kundër Qeverisë Rama me një tubim, aty ku filloi dhe Lëvizja Studentore e vitit 1990.
“Në 8 dhjetor 2019, në Ditn e Rinis, Presidenti i Republikës, Ilir Meta organizon në Sheshin “Demokracia” në Qytetin Studenti, aty ku dhe nisi Lëvizja Studentore e viteve ’90,” thekson zëdhënësi i Ilir Metës përmes rrjetit social Facebook duke paralajmëruar një tubim mbarëpopullor që synon Nisjen e një Dialogu me Shqipërinë!
Për njohësit e Kushtetutës, një lëvizje e tillë nga Presidenti i Republikës është e pakuptimtë, por për ata që e njohin Ilir Metën nuk çuditen aspak, ai krenohet si lider edhe në rastet kur ja futi Pandeli Majkos ose Sali Berishës, dhe nuk ndalon si në rastet kur ja futën Fatos Nano dhe më pas Edi Rama, për tu kthyer si i triumfator.
Gjithsesi, nuk dihet se si do ta presin qytetarët e pakënaqur shqiptar “Dialogun me Shqipërinë” meq LSI mungoi në protetstat e Opozitëssë Bashkuar me përjashtim të disa anëtarëve të kryesisë, por Ilir Meta nuk do të ndalet deri në arritjen e kreut të Lëvizjes kundër Edi Ramës, kur turma e paguar ose jo, do të brohoritë jo vetëm në Sheshin Demokracia në Qytetin Studenti: “Like, Like ti je gjallë!”
Ja postimi i plotë:
Në 8 dhjetor 2019, në DITËN E RINISË, Presidenti i Republikës, Ilir Meta organizon në Sheshin “Demokracia” në Qytetin Studenti, aty ku dhe nisi Lëvizja Studentore e viteve ’90, një tubim mbarëpopullor që synon Nisjen e një Dialogu me Shqipërinë! SHQIPËRIA E PARA!
