Liria për nipin e Enver Hoxhës/ Reagimi, PD: Ja si e kontrollon krimi i organizuar drejtësinë përmes Edi Ramës

Lirimi nga burgu para kohe i Ermal Hoxhës, anëtar i bandës së kokainës në Xibrakë, është provë e re sesi krimi i organizuar në Shqipëri kontrollon drejtësinë nëpërmjet kryeministrit të vendit Edi Rama. Kështu reagon Partia Demokratike përmes deputetit Ervin Salianji pas lirimit nga burgu të financierit të fabriksës në Xibrakë dhe nipit të Enver Hoxhës duke shtuar se lirimi nga burgu para kohe i një trafikanti ndërkombëtar droge, është i papranueshëm jo vetëm për PD, por për shumicën e shqiptarëve që kërkojnë luftë me tolerancë zero ndaj krimit të organizuar.

“Shqiptarët duhet ta dinë se trafikanti i kokainës Ermal Hoxha është liruar para kohe nga burgu për një arsye: ai ka mbrojtjen direkte të kryeministrit Edi Ramës. Duke mbrojtur Ermal Hoxhën, Edi Rama mbron nga drejtësia vëllain e tij Olsi Rama, i cili është garanti kryesor i ndërtimit të fabrikës së kokainës në Xibrakë 4 vjet më parë,” thekson Ervin Salianji duke sqaruar se kushtet për lirimin para kohe të Ermal Hoxhës dhe organizatës kriminale të kokainës së Xibrakës u parapërgatitën një vit më parë, kur bandës iu ul dënimi përfundimtar me disa vjet nga Gjykata e Apelit të Krimeve të Rënda, ndërsa përfundon:

“Ulja drastike e dënimit dhe lirimi para kohe me urdhër të Kryeministrit Rama i trafikantëve ndërkombëtar të drogës është thikë pas shpine edhe për partnerët tanë ndërkombëtarë. Me ndërhyrjen e partnerëve qeveria u detyrua të arrestojë disa prej trafikantëve të drogës, duke i dhënë kohë për arratisje kreut të rrjetit ndërkombëtar të kokainës, Genci Xhixha, mik i ngushtë me Olsi Ramën. Prandaj, opozita kërkon vettingun e politikanëve për të bërë të mundur shkëputjen përfundimtare të krimit nga politika dhe qeverisja e vendit.”

Deklarata e plotë

Lirimi nga burgu para kohe i Ermal Hoxhës, anëtar i bandës së kokainës në Xibrakë, është provë e re sesi krimi i organizuar në Shqipëri kontrollon drejtësinë nëpërmjet kryeministrit të vendit Edi Rama.

Lirimi nga burgu para kohe i një trafikanti ndërkombëtar droge, pjesë e krimit të organizuar, është i papranueshëm jo vetëm për Partinë Demokratike, por për shumicën e shqiptarëve që kërkojnë luftë me tolerancë zero ndaj krimit të organizuar.

Shqiptarët duhet ta dinë se trafikanti i kokainës Ermal Hoxha është liruar para kohe nga burgu për një arsye: ai ka mbrojtjen direkte të kryeministrit Edi Ramës. Duke mbrojtur Ermal Hoxhën, Edi Rama mbron nga drejtësia vëllain e tij Olsi Rama, i cili është garanti kryesor i ndërtimit të fabrikës së kokainës në Xibrakë 4 vjet më parë.

Kushtet për lirimin para kohe të Ermal Hoxhës dhe organizatës kriminale të kokainës së Xibrakës u parapërgatitën një vit më parë, kur bandës iu ul dënimi përfundimtar me disa vjet nga Gjykata e Apelit të Krimeve të Rënda.

Ulja drastike e dënimit dhe lirimi para kohe me urdhër të Kryeministrit Rama i trafikantëve ndërkombëtar të drogës është thikë pas shpine edhe për partnerët tanë ndërkombëtarë. Me ndërhyrjen e partnerëve qeveria u detyrua të arrestojë disa prej trafikantëve të drogës, duke i dhënë kohë për arratisje kreut të rrjetit ndërkombëtar të kokainës, Genci Xhixha, mik i ngushtë me Olsi Ramën.

Prandaj, opozita kërkon vettingun e politikanëve për të bërë të mundur shkëputjen përfundimtare të krimit nga politika dhe qeverisja e vendit.