Lirimi i ish-kreut të bandës së Durrësit/ Paralajmërimi, Rama: Nismë e re për prokurorët dhe gjyqtarët…
Pasi gjyqtarja e Gjykatës së Krujës, Enkeleida Hoxha vendosi që të lirojë ish-kreun e bandës së Durrësit, Endrit Dokle, i cili ishte dënua me burgim të përjetshëm, Kryeministri Edi Rama tha se në ditët në vijim do të ndërmerret nisma e re për ti hapur një ofensive shembullore KÇK-së duke përmendur të gjithë ata gjyqtarë dhe prokurorë që, sipas tij, i përkasin këtij grupi.
“E kam informuar Komisionerin se në ditët në vijim do ndërmarrim një nisme të re për të hapur një ofensivë shembullore kundër krimit të organizuar dhe atyre gjykatësve e prokurorëve që si në rastin e para dy ditësh i përkasin organizatës KÇK dhe po e përdorin autoritetin e tyre në këtë fazë të ndërmjetme për të bashkëpunuar hapur dhe paturpësisht me krimin!”
Ndryshe, Endrit Dokle, i dënuar me burgim të përjetshëm për një sërë krimesh, përfshirë vrasje dhe pjesëmarrje në organizatë kriminale, me vendim të gjyqtares së Gjykatës së Shkallës së Parë në Krujë, Enkeleida Hoxha, pritet të lirohet nga burgu me kusht.
