Lirimi i protestuesit/ Lleshaj kërcënon, PD: Provë, Edi Rama kontrollon çdo gjyqtar në vend!
Pas kërcënimeve me vetting të Ish-Gjeneral Sandër Lleshajt për gjyqtarin i cili liroi protestuesin Pëllumb Isufaj, i akuzuar nga Policia e Shtetit në Fier për goditjen e efektivit të policisë, për Partinë Demokratike është provë e qartë se si Edi Rama shantazhon dhe kontrollon çdo gjyqtar në vend.
“Kërcenimi me vetting i gjyqtarit të Fierit vetëm pse mbrojti interesin e qytetarëve dhe nuk zbatoi urdhrin politik të trafikantëve që drejtojnë Policinë Politike, është provë e qartë se si Edi Rama shantazhon dhe kontrollon çdo gjyqtar në vend. Të mjerë!”
As me kërcënime ndaj gjyqtarëve që nuk i nënshtrohen presionit tuaj kriminal dhe as me burgosjen politike të qytetarëve të ndershëm të këtij vendi, thekson Ish-Ministri i Drejtësisë dhe deputeti i PD, Enkelejd Alibeaj, nuk e shpëtoni dot Edi Ramën ndërsa përfundon:
“Fundi i tij dhe qeverisë së tij kriminale është më afër se kurrë. Shihemi në 16 Mars!”
Ndryshe, pas reagimit kriminal të Policisë së Shtetit ndaj vendimit të gjyqtarit të Gjykatës së Shkallës së Parë Fier, Pirro Sota, për të liruar nëpunësin e Bashkisë Mallakastër, që pretenedohej nga policia se goditi me gur në kokë një punonjës policie në krye të detyrës, Gjykata e Fierit ka sqaruar se vendimi për Pëllumb Isufaj erdhi pasi nuk provohet se ishte ai autori i goditjes ndaj policit.
