Lirohen të arrestuarit për djegien e flamurit serb, Vokshi: Edi Rama urdhëroi arrestimin, protestat nuk do të ndalen!

Pas vendimit të Gjykatës që të liroj nga burgu të dy protestuesit, Astrit Cara dhe Besnik Balani, që u akuzuan se kanë djegur gjatë protestës së 20 dhjetorit flamurin serb, kanë reaguar anëtarët e Komisionit të Rithemelimit të PD që ndjekën nga afër seancë gjyqësore, duke akuzuar Edi Ramën se ishte ai që urdhëroi arrestimin ndërsa i bëjnë të qartë se protestat që kanë filluar nuk do të ndalen.

“Edi Rama urdhëroi arrestimin e protestuesve kundër planeve famëkeqe antishqiptare. Duhet t’i bëjmë me dije Ramës se protestat që kanë filluar nuk do të ndalen. Ne e përshëndesim qëndrimin e gjykatës, por e theksoj se arrestimi është i paligjshëm, ndaj inkurajojmë organet e drejtësisë që hetimet t’i bëjnë në mënyrë objektive dhe të mos marrin porosi nga Edi Rama,” tha Albana Vokshi e cila me anëtaëtarët e Komisionit Rithemelimit të PD, arrestimi i të rinjve e konsiderojnë politik meqë, sipas tyre, është bërë vetëm pas statusit që ka bërë Edi Rama në rrjetet sociale.

Ndryshe, Gjykata e Tiranës mori vendim për lirimin me detyrim paraqitjeje të dy të rinjëve, Astrit Cara dhe Besnik Balani, që u arrestuan pas protestës së të hënës, të akuzuar për djegien e flamurit serb në Tiranë.