Liroi Taulant Manajn, kërkohet shkarkimi i gjyqtares së Vlorës
Liria e dhuruar për Taulant Manaj, i njohur si Taulant Beqiraj nga gjyqtarja e Gjykatës së Vlorës, Herila, ka bërë që të reagoi ashpër si Ministria e Drejtësisë ashtu edhe Ministria e Brendshme.
Ministria e Drejtësisë i ka kërkuar me urgjencë Inspektoriatit të Këshillit të Lartë të Drejtësisë, që të hetojë për veprimet e gjyqtares së Vlorës Herila Çela.
“Ne do të ndjekim deri në fund çështjen dhe do të propozojmë pranë KLD marrjen e masave në përpjestim me shkeljen, deri edhe shkarkimin e gjyqtares” tha zv.ministri i Drejtesise, Toni Gogu.
Çështja bëht edhe më e rëndë kur kemi të bëjmë me rastin e një të arrestuari me armëmbatje pa leje ndaj të cilës gjyqtarja ka vendosur masën e sigurisë “arrest shtëpie” edhe pse ai ishte përsëritës.
“Gjyqtarja Herila Çela, duke mbyllur sytë para fakteve e provave kuptimplota, ka vendosur masën e sigurisë arrest në shtëpi, për një shtetas, i cili është kapur nga policia e Vlorës duke udhëtuar i armatosur, edhe pse ishte nën masën e sigurisë arrest në shtëpi. Ky shkelës i ligjit, 2 herë i arrestuar nga policia në harkun kohor të pak muajve, lihet përsëri në shtëpi nga Gjykata, falë gjyqtares Herila Çela, e cila nuk e ka për herë të parë shfaqjen në një pozicion tejet shqetësues në raport me ligjin – gjë për të cilën ajo ka qenë edhe më parë subjekt i inspektimit të Këshillit të Lartë Drejtësisë.”
Vendim, në kufijtë e absurdi
“Ky vendim, në kufijtë e absurdit, ka vënë në pikëpyetje gjithë luftën dhe sakrificën e bërë deri më tani. Duke pasur besimin se vendimet e gjykatave nuk janë pronë apo interes vetëm i gjyqtarit që jep vendimin, gjejmë rastin të denoncojmë me forcë dhe publikisht historikun e një të personi të arrestuar 2 herë brenda pak muajve për vepra të rënda penale dhe i lënë më pas në masën “Arrest shtëpie”, megjithëse herën e dytë kishte thyer këtë masë dhe u kap me armë në makinë ” tha Zvendesministri i Brendshem Besfort Lamallari.
Ndryshe, 28 vjeçari Taulant Manaj, i njohur si Taulant Beqiraj ishte kapur me armë pa leje dhe ndonëse ishte një person përsëritës dhe i njohur për rrezikshmërinë kriminale në qytetin e Vlorës gjyqtarja ka bërë zëvendësimin e masës së sigurisë nga arrest me burg në arrest shtëpie.
