Lista e dëshirave, Edi Rama: 800 mijë vota, Mini Shengeni, lider i opozitës Meta, amnistia..

Ky Kongres nuk është Kongres i zakonshëm politik por një moment reflektimi dhe zhvillimi programatik, tha kryetari i Partisë Socialiste dhe kryeministri Edi Rama në fjalëne tij ndërsa shpalli objektivin për zgjedhjet e përgjithshme të vitit 2021, me një listë të çudtishme të dëshirave ku zunë vend 800 mijë vota për mandatin e tretë, realizimin se s’bënë të projektit të Mini Shengenit, opozitën e re me në krye Ilir Metën meqë atë ekzistuese nuk e begenisë dhe në fund e jetësoi edhe thashethemmin mbi aministinë e përgjithshme për të legjitimuar paratë e emigrantëve.

“Ky Kongres nuk është Kongres i zakonshëm politik por një moment reflektimi dhe zhvillimi programatik. PS sot është më e fortë se çka qenë në 30 vjet. Kemi mbështetjen e një shumice që na ka dhënë mandat ekskluziv. Kemi numrin më të madh të votave jo në raport me konkurentet se këtë e ka pas gjithmonë por në raport me vetëveten. Detyra jonë në zgjedhjet e ardhshme është jo vetëm të jemi partia e parë, se jemi padiskutim, por të kemi mbështetjen më të madhe popullore. Dua 800 mijë vota për mandatin e tretë të PS. Është shumë e lehtë të thuhet, shumë e vështirë të bëhet. Ka nevojë për të pranuar dhe kuptuar se duhet edhe më shumë energji, ndërkohë që një pjesë e energjisë është konsumuar,” tha Edi Rama duke filluar me premtimet zgjedhore ndonëse vazhdon dhe përsërit se zgjedhje e ardhshme do të zhvillohen në vitin 2021.

“Mandati i parë ishte për të shtrirë themelet, i dyti për të hapur kantierët, mandati i tretë na duhet për të vendosur përfundimisht Shqipërinë në një nivel tjetër si shtet dhe ekonomi. Kemi krijuar bazën për zhvillimin e ekonomisë, për të pasur një volum të konsiderushëm të investimeve të huaja, rritje të punësimit real, shtytje më lart të nivelit të pagave. Nëse tërmeti i 26 nëntorit do të kishte rënë në 2013 jo rindërtim por do ishim futur në gropë bashkë me ata që fatkeqësisht u ndanë nga jeta si shtet dhe ekonomi, si shoqëri dhe prespektivë. Detyra jonë është që 2020 ta kthejmë në një molment historik të forcës së shembullit qeverisës. Aty ku panë fundin tonë, do të shohin forcën tonë. Këtë pranverë lançojmë programin ekonomik dhe nisim fazën e dytë të reformave. Nga 1 janari 2021 paga minimale do të jetë 30 mijë lekë.”

Edhe në këtë Kongres zgjedhor Edi Rama kishte rezervuar hapësirë për Mini Shengenin. Pa e zgjidhur ende pronësinë intelektuale të këtij projekti, për të cilin është sqaruar Presidenti i Serbisë, Aleksandar Vuçiç, Rama edhe sot tha se ishte në krye të herës nxitëse e kësaj nisme dhe do të vazhdojë të jetë udhëheqësse e procesit.

“Shengeni rajonal. Jemi që në krye të herës nxitës dhe do të jemi udhëheqës të këtij procesi. Përmes këtij procesi fuqizohet pozicioni ynë në rajon dhe Europë. Përmes këtij procesi fuqizojmë kandidaturën tonë për të qenë anëtar të BE. Nuk presim nga Europa asnjë dhuratë, detyra jonë është të bëjmë  Europën këtu. Procesi i integrimit për ne është proces që na jep mundësinë të ecim më shpejt përmes instrumentave që na ofron. 

Na i hapin sot, nuk na i hapin sot, do të na i hapin nesër apo pasnesër negociatat, këtë e dinë të zotët të shtëpisë në BE. Ne nuk presim më as mars, as maj, as tetor, as dhjetor, asgjë. Po të duan ti hapin, po të duan mos ti hapin. Kur të kenë nge do ti hapin dhe faleminderit që do të na i hapin. Mjaft më duke përgatitur dasma ku krushqit nuk paraqiten ditën e dasmës. Pavarësisht  se nuk na i kanë hapur kur na kanë thënë se do ti hapin ne kemi vazhduar të punojmë dhe do të vazhdojmë të punojmë njësoj sikur të ishin hapur. Detyra jonë është ta bëjmë këtë për shqiptarët, Shqipërinë dhe fëmijët tanë.”

Për 2 Mrasin deri më sot heshti por në Kongres mendoi se është momenti për të akuzuar opozitën e cila sipas tij nuk ekziston ndërsa foli për kundërshtarin e ri, “besëlidhjen”, të cilin e identifikoi ashtu si dhe Opozitën e Bashkuar, si kundërshtar të Reformës në Drejtësi.

“Kthe kokën në një anë s’ka kundërshtarë, përpara s’të del njeri përpara është bosh komplet.  Ata vërtet dalin e shajnë e akuzojnë e shpifin por janë si goditjet e lugëve në tengjere bosh. Zhurma është shumë e madhe po tenxherja është bosh. Ne duhet ta lexojmë këtë rrezik sepse njerëzit e ndjejnë shumë më thellë se ne boshin. Ne duke qenë shënjestër përjetojmë gjithë goditjet.

Ça mendoni se njerëzit po presin Besëlidhjen e dytë të Lezhës më datë 2 mars. Si mendoni, mendoni që njerëzit do të ngatërrojnë Gjergj Kastriotin me besëlidhësit e rinj që janë armiqtë e betuar të reformës në drejtësi dhe drejtësisë që po jetojmë.

Këto aleanca kundër drejtësisë së re do të bëjë besëlidhjen e dytë të Lezhës, pa u lodhur duke shkuar në Lezhë por duke ndjenjur e duke thënë hajdeni këtu se ne jemi për ju,” tha Edi Rama duke folur për opozitën e re që po lindë në kokën e tij dhe të bashkëpunëtorit shumëvjeçar Ilir Meta, duke shtuar:

“Nuk i shohin këto fare, njerëzit shohin nga ne, ne duhet të shohim shumë përtej atyre që kemi bërë dhe shumë përtej atyre me të cilat jemi mësuar të fitojmë, sepse nesër nga ne do të krëkohet shumë më tepër.  Me të drejtë. Kujt t’ia kërkojnë?!”

Në fund, ajo që ekspertët e parashikuan pas shfaqjes së marrëzisë “OFL” sot doli nga goja e kryeministrit Edi Rama, aministia. Sebep sipas tij ishte pasuria e emigrantë shqiptarë që vazhdojnë dhe vuajnë me para në dorë. Tha senga amnistia përjashtohen politikanët, gjyqtarët, prokurorët për të cilët tha se do japin llogari, duke nisur nga vetja ndonëse ata e morën mesazhin se si do të sistemojnë paratë e mbetura pa iu nënstruar vettingut ose OFL-së:

“Ne do të lançojmë një amnisti të përgjithshme për të gjithë shqiptarët brenda dhe jashtë vendit që të gjitha paratë, asetet t’i deklarojnë. Paratë t’i fusin në banka dhe asetet t’i deklarojnë. Dhe jo një apo dy organizata të ngrihen por bota mbarë të thotë kjo nuk bëhet do bëhet. Emigrantët shqiptarë nuk mundet të rrinë më, të mbajnë para me një mijë e një vështirësi dhe as nuk mund të torturohen t’i çojnë këtu se fillon pastrimi i parave. Të gjitha ata që nuk i kanë paratë me drogë, terrorizëm, prostitucion, me ato që parashikohen tek krimi special, ose të gjitha ta që janë politikanë, gjykatës, prokurorë, këta nuk mund të amnistohen. Do japin llogari, nga unë i pari, herët apo vonë do japim llogari për çdo gjë që kemi, si e kemi, ku e kemi. Aty nuk ka më socialist apo demokrat. O me punën o tek vendi. Kurse të tjerët me një afat kohor kanë mundësi t’i sjellin paratë këtu.

Besoj se kjo do na japë mundësinë të shtyjmë ekonominë edhe më shumë.
Duhet të maksmimalizojnë energjinë. Mos të merremi as me lidhjen as me zgjidhjen…po zgjidhja ku më doli. Me ekonominë, me punën.”