Lista e MoneyVal, PD: Shqipëria, parajsë e pastrimit të parave në Europë!
Pas publikimit të Indeksit ku konstatohet se Shqipëria ka pësuar një rënie prej 28 vendeve, ka reaguar Partia Demokratike përmes Nënkryetares Jorida Tabaku duke e cilësuar Shqipërinë si parajsë të pastrimit të parave në Europë ndërsa i referohet Listës MoneyVal.
“Ndërtimi sidomos në Tiranë, investimet nga sipërmarrje me pikëpyetje në turizem me bekimin e qeverisë, lojërat e fatit janë sektorët që kanë njollosur Shqipërinë në këtë renditje, e po pengojnë rrugëtimin tonë në BE. Pavarësisht retorikës së ditës, propagandës së rremë e çdo shfaqje që ngre tendat sa herë del Rama, faktet bërtasin,” thekson Jorida Tabaku në reagimin e saj përmes rrjetit social Facebook ndërsa përfundon:
“Kjo mazhorancë nuk ka vullnetin dhe as dëshirën për të përmbushur kushtet dhe për të integruar vendin!”
Ndryshe, Indeksi i Bazelit tregon se mes 110 vendeve Shqipëria renditet e 72-ta me një nivel pikësh prej 5.72. Rreziku rezulton se është rritur teksa një vit më parë ishte e 44-ta me një nivel pikësh prej 5.69.
Reagimi:
Shqipëria bie me 28 vende dhe është parajsa e pastrimit të parave në Europë!
-Një nga 15 kushtet e BE për të zhvilluar konferencën e parë ndërqeveritare dhe çelur zyrtarisht procesin përfundimtar të integrimit është lufta kundër pastrimit të parave.
-Shqipëria ndërkohë gjendet në listën gri të MONEYVAL dhe konsiderohet nga Indeksi Bazelit si një nga vendet kryesore ku mund të pastrohen paratë.
-Në Europë renditemi të fundit, ndërkohë që jemi fqinj me Taxhikistanin.
-Sivjet indeksi na rendit të 72 duke pasur rënie në raport me 2020: pastrimi parave është pari në renditjen negative, pastaj korrupsioni dhe rryshfeti janë të dytët në renditjen problematike.
-Një binom i pandashëm që njollos çdo përpjekje të shqiptarëve për të integruar vendin në BE.
-Ndërtimi sidomos në Tiranë, investimet nga sipërmarrje me pikëpyetje në turizem me bekimin e qeverisë, lojërat e fatit janë sektorët që kanë njollosur Shqipërinë në këtë renditje, e po pengojnë rrugëtimin tonë në BE.
-Pavarësisht retorikës së ditës, propagandës së rremë e çdo shfaqje që ngre tendat sa herë del Rama, faktet bërtasin!
-Kjo mazhorancë nuk ka vullnetin dhe as dëshirën për të përmbushur kushtet dhe për të integruar vendin!
