Lista Srpska dhe Nenad Rikallo e dëshmojnë se janë kriminel, sot sulmojnë Sllobodan Petroviçin
Kryetari i Partisë së Pavarur Liberale dhe deputeti i Kosovës, Sllobodan Petroviç, sot është sulmuar fizikisht nga dy persona të afërt me Ish-ministrin e Bujqësisë në Qeverinë e Kosovës, Nenad Rikallo nga Lista Srpska.
Gjatë një konferencë në Parlamentin e Kosovës, sot ai sqarois e sulmi ndaj tij ka ndodhur në afërsi të Parlamentit, pasi në mëngjes ishte mysafir në një emision në Televizionin Publik ku kishte shpalosur disa detaje rreth punës së Ish-ministrit Nenad Rikallo, çka sipas tij, mund të ketë qenë motiv i sulmit ndaj tij, pasi që sulmuesit, siç tha Petroviç, ishin njerëz të afërt me ish-ministrin Rikallo dhe Listën Srpska, raporton RFE .
Petroviç tha se menjëherë pas sulmit ndaj tij, ka ftuar policinë në vendin e ngjarjes e cila tashmë është e njoftuar me rastin.
Por, në reagimin e Listës Srpska thuhet se Petroviç ishte ai që i pari ka goditur me telefonin e tij zyrtarin e Listës Srpska. Sipas Listës Srpska, anëtari i këtij subjekti politik, Millan Kostiç është sulmuar fizikisht nga ana e deputetit Sllobodan Petroviç në një restorant në Prishtinë.
“Ky është një sulm i turpshëm ndaj Kostiçit, të cilin në Kosovë e njohin si një njeri familjar dhe i cili në politikë është përfshirë me kërkesën e bashkëkombasve të tij”, thuhet në reagimin e Listës Srpska, e cila e bën fajtor Petroviçin për këtë incident.
Për të njëjtin rast, Policia e Kosovës, përmes një komunikate ka sqaruar se rreth orës 10:30, ka marrë informacionin se në rrugën “Fazli Grajqevci” në Prishtinë, ka ndodhur një mosmarrëveshje në mes të tre personave.
Policia tha se ka shoqëruar në stacionin policor dy persona për të cilët ekziston dyshimi se mund të jenë të përfshirë në rastin në fjalë.
“Aktualisht në koordinim me prokurorin e shtetit po kryhen veprimet e fazës fillestare hetimore për të proceduar më tej në fazat e tjera”, thuhet në komunikatën e Policisë.
Sllobodan Petroviç, në anën tjetër, ka theksuar se ka kohë që ndaj tij dhe bashkë-partiakëve të tij zhvillohet një fushatë dhe presion i pandërprerë.
“Mund edhe të më vrasin, por unë nuk jam njeri që mund të më frikësojnë”, tha Petroviç, duke shtuar se veprime të tilla janë shqetësuese për familjen e tij, por dhe institucionet.
Sllobodan Petroviç është një nga 10 deputetët serbë në Parlamentin e Kosovës. Nëntë deputetët tjerë nga komuniteti serb i përkasin Listës Srpska dhe vazhdojnë të komandohen nga Beogradi.
Ish-ministrin e Bujqësisë, Nenad Rikallo të cilin e ka përmendur Petroviç, kohë më parë kryeministri i Kosovës, Ramush Haradinaj e ka liruar nga detyra dhe në vend të tij ka emëruar ministren, Dijana Zhiviç, nga Partia e Pavarur Liberale.
Ndryshe, Nenad Rikallo është akuzuar nga fqinjët e tij shqiptarë për torturat gjatë luftë së Kosovës që ai i ka mohuar dhe ishte Lista Srpska që ashtu sikur se në rastin e sotëm që ka folur për Rikallon si njeri shembullor.
