Lista Srpska më konfuze pas takimit me Vuçiçin. Rakiç: I gëzuar për zgjidhje kompromisi, Simiç: Presidenti tha se nuk ka një zgjidhje!
Presidenti i Serbisë, Aleksandar Vuçiç ashtu sikur se parardhësi i tij, krimineli Sllobodan Millosheviç po i përdorë serbët e Kosovës për përplasjet e tij ditore që ka me opozitën në Beograd dhe aktualisht edhe me Kishën.
Pas takimit me Listës serbe, Vuçiç dërgoi kryetarin e Listës Srpska, Goran Rakiç që të jep mesazhe të forta nga edicioni qendror i televizionit publik serb, RTS.
Rakiç tha se kanë biseduar me presidentin rreth situatës politike dhe të sigurisë ndërkoh i shprehen mbështetje të plotë, siç tha kryetari i komunës Mitrovicë veri, Presidentit.
“Na gëzon fakti që zgjidhja do të bëhet me kompromis dhe asnjë qëndrim nuk do të shpaloset pa konsultimin me neve,” tha Rakiç duke i lutur të gjithë që ta lënë popullin serbë në Kosovë që të vendosin vetë duke harruar se edhe 30 vjet më parë skenari ishte i njejtë vetëm se krimineli në krye të shtetit ndryshonte.
Dhe deri sa i bëri thirrje opinionit serb që ti lënë të qetë, ai nuk i la të qetë ata duke ju folur për Marko Gjuriçin.
Përkundër shumë shqetësimeve që kanë qytetarët në Kosovë, Rakiç si shqetësim primar tha se serbët në Kosovë kanë heshtjen e bashkësisë ndërkombëtare për, siç tha ai, rrëmbimin e Marko Gjuriçit nga Njësia Speciale e Policisë së Kosovës kur u f utën në veri, që sipas qytetarit Rakiç dhe kryetarit të një komune kosovare, kjo njësi nuk paska të drejtë të futet.
“Jeni dëshmitar se çfarë ndodhi,” mallëngjeu Rakiç folësin e lajmeve qëndrore të televizionit publik serb dhe jo vetëm, duke folur edhe në emër të të gjithë serbëve, se janë të shqetësuar për vijimin e dialogut në Bruksel:
“Mjaft më me politikë të kohës së shkuar kur serbët nuk kishin bashkëbisedues në Beograd,” tha Rakiç duke harruar se serbët kurrë më pak se sot nuk janë konsultuar me Beogradin zyrtar, dhe kjo po ju ndodhë vetëm kur është në hall Vuçiçi.
Për të konfirmuar këtë fakt Rakiç foli për letrën që kishte marrë Vuçiç nga Kisha e ku thuhet se ndarja dhe përcaktimi i kufijve janë zgjidhje të këqija. Për ta arsyetuar takimin katër orësh, Rakiç sikur se Vuçiç sulmoi letërshkruesit duke theksuar se këta që shkruajnë letra kanë edhe letërnjoftime kosovare e nuk do të çuditej nëse kanë edhe të atyre shteteve që kanë sponsorizuar pavarësinë e Kosovës.
Sa për ata që “Vuçiçin e quajnë tradhëtar” në Serbi, ai tha se mediat në Prishtinë e quajnë “satani dhe djalli”.
Përkundër avokatisë së madhe që Lista Srpska i bëri Vuçiçit në Beograd, u konstatua një paqartësi në mes të kryetarit të kësaj Liste dhe nënkryetarit të saj, edhe pse kanë diskutuar për plotë katër orë me Presidentin e Serbisë:
“Kemi biseduar hapur për pozitën e serbëve në Kosovë. Në këtë kontekst, Presidenti i Serbisë tha se për momentin nuk ka zgjidhje e cila mund të jetë e prekshme ,” tha nënkryetari i Listës Srpska, Igor Simiç për Agjencinë serbe të lajmeve Tanjug edhe pse kryetari i tij Rakiç ishte i gëzuar me zgjidhjen e kompromisit.
