Lista Srpska nuk cerifikohet për zgjedhje, Vuçiç i shqetësuar…

Presidenti i Serbisë, Aleksandar Vuçiq, tha se është shumë i shqetësuar pasi Lista Srpska nuk është lejuar të marrë pjesë në zgjedhjet e jashtëzakonshme lokale në katër komunat në Veri të Kosovës.

“Kemi nënshkruar marrëveshjen e Brukselit dhe në pikën shtatë ose tetë na imponon pjesëmarrjen në zgjedhje sipas ligjeve të Kosovës, ndërsa tani u pengon që Lista Srpska po fiton,” tha Vuçiç në Pekin për Televizonin publik të Serbisë, RTS duek shtuar se është investuar para e madhe në mënyrë që të dëmtohet imazhi i Listës Srpska me qëllimin që ajo të prishet e që serbët të ndahen nga Beogradi.

Presidenti i Serbisë akuzoi edhe të huajt, që sipas tij kanë krijuar media në veri të Kosovës në mënyrë që të prishin imazhin e Listës Srpska dhe që të zhvillojnë fushata për të kriminalizuar serbët.

“Por nuk ia dolën, sepse serbët dinë gjithçka, ata do të jenë me popullin dhe shtetin e tyre. E panë se as një milion dollarë nuk ndihmojnë në ndryshimin e vullnetit të popullit serb,” tha Vuçiç i cili nuk po ndryshon fjalorin e tij kërcënues si me rastin e dorëheqjes së këtyre kryetarëve ashtu edhe sot kur mendon se mund ta imponojë politikën kriminale të Beogradit në Kosovë.

Dhe, në vend se të kërkoj falje qo po harxhon kot paratë e buxhetit të Kosovës duke shpikur dorëheqje dh ezgjedhje të reja në veri, ai kuzon të huajt dhe Prishtinën zyrtare se si fillimisht u habitën kur Lista Srpska bëri publike pjesëmarrjen, dhe thanë se “nuk keni të drejtë të merrni pjesë”, gjë të cilën e ka cilësuar si suprimim brutal i demokracisë.

Vuçiç nuk tha se do të apelohet vendimi i KQZ por tha se do të presë çfarë do të thuhet në Berlin për këtë:

“Nuk do të them se në çka më kujton kur mbroni dikë që të kandidojë, për këtë do t’i pyes Merkelin e Macronin. Do t’i pyes edhe të gjithë të tjerët, do t’ua sqaroj Xi-së dhe Putinit, madje jam i sigurt se edhe ata pajtohen me ne.”