Listat për deputetë, Rama: PS ka tentuar të ofrojë një mundësi tjetër, PD s’ka asnjë prurje të re përveç…

Shqipëria e ardhmja jonë, slogan i cili edhe pse u shpik nga vetë kreu i Partisë Socialiste nuk e arsyetoi as sot ndonëse dorëzoi listat e deputetëve në KQZ. Për Partinë Socialiste, Edi Rama tha se ka tentuar të ofrojë një mundësi tjetër, të përfaqësohet nga emra të rinj dhe të respektuar nga komuniteti ndërsa tek lista e PD nuk identifikoi asnjë prurje të re përveç personazhit turbullues për familjet, siç e quajti ai, Agron Gjekmarkajn.

U habitë nga shqetësimi që kishte krijuar ndër gazetarë lista e kandidatëve të PS me fatin e Ditmir Bushatit, Fatmir Xhafajt dhe Pandeli Majkos dhe nuk e fshehu veçimin që i bënte vetëm Xhafajt ndërsa iu vërsul listës së PD duke humbur kontrollin.

“Sado pozitive dhe sado me bindje të jetë ideja ime për njërin apo tjetrin nuk mjafton. Cila është ideja e publikut për PS. Shqiptarët nuk janë aty të detyrohen të votojnë pavarësisht se partitë, dëgjojnë, reflektojnë apo dëgjojnë brenda mureve të tyre dhe thonë, ky ka bërë 20 vite luftë, ai tjetri ka garantuar të gjitha tejkalimet e normave të kooperativës. Jo. Ka shumë të tjerë që nuk janë brenda këtyre mureve, qëllimi ynë është të rrafshojmë muret ndarëse. Është Partia Socialiste që ka detyrimin të vetëndryshojë dhe faktikisht është një proces që po të shihni zgjedhje pas zgjedhjesh, ka ardhur duke u konsoliduar. Për disa nga miqtë, shokët, kolegët, që kanë dhënë kontribute në vite dhe nuk janë më. Ata për mua në vetvete e kanë vendin gjithmonë të palëvizshëm në sytë e mi, çështja është që a mjafton kjo për qytetarët. Nuk ka e shkuara e gjithsecilit në PS është historia e tij dhe e PS, nuk është arsye që njeriu i rrugës ndalet tek partia e votimit dhe të votojë. Partitë politike janë për të jetuar në lartësinë e të sotmes dhe jo drejtuar njerëzve nga lartësia e së djeshmes. Kështu, unë dhe të gjithë të tjerët. Nëse nuk bëj këtë, për çfarë i duhem vendit, apo të tjerëve. Kjo është elementare dhe duke mbyllur me skuadrën,” tha Edi Ram:

“Skuadrat ndërtohen me lojtarët më në formë dhe që janë më në gjendje në atë moment të përballojnë kundërshtarin dhe të përballojnë veten. Nuk ka këtu historia të tjera.”

Kaq e kishte! Vlera më e madhe e listës së PS, edhe në këtë rast rezultoi të ishte mundësia për të përgojuar listën e PD:

“Listat e deputetëve nuk janë muzeume, s’janë stenda për të vendosur vazot e antikitetit. Vazot e antikitetit kanë shumë vlerë. Berisha në historinë e PS ka shumë vlerë, por për çfarë duhet tani, për të minimizuar emigracionin? Janë fosile komplet nuk kanë çfarë japin më. Duka se ka nxjerrë ndonjëherë partinë nga garazhi dhe do të jetë akoma, do e gëlltisë komuniteti i demokratëve në Durrës. Do e hanë këto tani, se do të jetë deputet patjetër Agron Duka, për çfarë arsye? Sepse do të bëhet ministër Bujqësie prapë. Sepse ka më shumë vezë se të tjerët, apo më shumë pula? Kjo është oferta që i jepet Durrësit. Ka mundësi që i jep e djathta Vlorës të jetë Leskaj i KLSH, ku përpara tij Dash Shehi është personi më esëll që ka Shqipëria. Kur sheh gotën e rakisë Lesko dehet gota duke e parë. Çfarë fiton Shqipëria me këto. E dini sa e dua Flamur Nokën, por ja deri tek 13 shkojnë ata, nuk është fare.”

Meqë nuk e pati as edhe një emër që do ta veçonte nga lista e PS, Edi Rama tha se prurja e re për PD-në ishte Agron Gjekmarkaj, i cili tashmë, sipas tij, do t’i largohet klubeve të natës mediatike si një personazh turbullues për familjet.

“Luli, në krye të listës. Dhëndri vihet gjithmonë në ballë dhe fisi që i vihet pas për t’i shkuar në dasmë. Nusja është në ballë dhe SPAK e OFL nga ana tjetër. Edhe do ‘martohen’ bashkë në 25 prill, me bekimin e shqiptarëve këta. Katastrofë! Më interesantja është se në PD nuk ka asnjë prurje të re, përveç Agron Gjekmarkajt. Natyrisht është një kontribut i PD që largon nga klubet e natës mediatike një personazh turbullues për familjet, por se besoj se është një akt serioz dhe respekti për demokratët e Lezhës. Se besoj!”

Dhe, si pa dashje tregon se para se të vinte në konferencë për shtyp kishte parë një deklaratë të një zonje, që nuk e njeh, si gjithmonë, dhe rezultonte se ishte një kandidate e PD në Kurbin:

“Për kuriozitet u interesova dhe më folën fjalën të mira. Deklarata e saj ishte se ‘Meqë ne gratë e PD nuk kemi mbështetje në PD, do të mbështesim kandidaten e PS’,” thotë ky torturues që tashmë e shet veten si dashamirës të grave duke folur se çfarë ndodhë në familjen e PD-së:

“Gratë në listën e PD janë për të zbuatuar ligjin që duhen 1 në çdo 3. Por nuk përfaqësojnë gratë në sensin e atij përfaqësimi që duhet të sigurojë një parti politike që kërkon të qeverisë. Janë brenda mureve të SHQUP, s’ka asgjë jashtë, zero. Kjo është pak a shumë panorama për skuadrat që janë në fushë. Se kemi betejën me PD apo LSI, por me vetveten për t’u bërë sa më të mirë në çdo hap. Sa më të denjë për njerëzit dhe natyrisht që ne i kemi betejat për të fituar mendjet e tyre.”

U pyet për renditjen e Fatmir Xhafajt në listë ku rrezikon dhe mandatin ndërsa bëhet fjalë për nje deputet që i ka adresuar shumë merita për Reformën në Drejtësi, por Edi Rama sërisht foli për opozitën dhe liderët e saj.

“Është shumë e rëndësishme të nënvizohet se që nga fakti që ata që nuk kanë lënë gjë pa i bërë Fatmir Xhafajt, me të katër sytë, që nga syri i Saliut, Lulit, Monikës e Ilirit, ata janë tani shumë të shqetësuar. Shqetësohen se PS nuk po konsideron një vlerë kaq të madhe, ndërkohë që atij njeriu nuk kanë lënë gjë pa i bërë, duke shkuar përtej çdo limit moral, etik, njerëzor, dmth e kanë sulmuar si kafshë. Tani menjëherë ndjehen të lënduar dhe flasin në emër të opinionit. Kjo është për t’u nënvizuar, sepse është e rëndësishme që njerëzit ta mbajnë parasysh këtë. Për çfarë u lënduan këta? Kanë hallë se do humbasë PS, apo se PS është dobësuar? Përderisa unë erdha këtu dhe po e bëj këtë bashkëbisedim, sigurisht që nuk kam ardhur këtu t’i shmangem asnjë pyetje dhe do iu përgjigjem edhe pyetjeve që lidhen me individë.

Gjëja që më shqetëson është se flitet për lista fituese e jo fituese, ndërkohë që këtu është përmbysur koncepti. Këtu nuk ka në këndvështrimin tim dhe konceptimin mbi të cilin është ndërtuar skuadra nuk ka lista fituese e jo fituese, nuk ka vend për të vënë stenda e për t’i vënë njerëzit në stenda sipas historisë e kontributeve, që këta kanë dhënë në një segment apo në një segment tjetër. Kjo është ndeshje për të dalë përpara popullit për të ardhmen, apo kjo është një kohë kur po shkojmë në një panair që të ekspozojmë reliket dhe antiket dhe individët sipas historisë sonë. Kjo është shumë e thjeshtë. Skuadra ndërtohet për të fituar dhe maksimizuar rezultatin me të gjithë lojtarët që ka,” tha Rama i bindur se vetëm ai ka të drejtë ndërsa shtoi:

“Nëse doni të dini dhe nëse do flisja unë për Fatmir Xhafajn, atëherë çfarë mbetej për ju pastaj. I kam thënë gjërat siç i kam menduar dhe siç i mendoj edhe sot për Fatmir Xhafajn, kur shumica e jush ju qep nga mbrapa e nuk e la rehat. Sot, kundërshtarët janë shumë të shqetësuar, se ju ka dalë përballë një skuadër që as nuk e prisnin dhe as nuk dinë si ta luftojnë, se është një skuadër me shumë fuqi të reja e të jashtëzakonshme.”

Dhe, ndonëse Kryeministri Edi Rama nuk shprehu ndonjë shqetësim për Ditmir Bushatin por disa nga gazetarët prezent ishin të tronditur me trajtimin që Rama i bënë Bushatit, ai e bëri të qartë se sa i pavlerë që është në terren:

“Detyrat e ministrave janë më tepër se sa të jesh një njeri i mirë. Shokët e Bushatit janë tek kufiri atje, janë atje sepse përveç punës si ministra, veç mbledhjeve dhe daljeve në televizion kanë punuar tokën. Kanë mbjellë dhe kultivuar në terren me njerëzit, të korrat e 25 prillit. Ditmir Bushati ditën e parë që u ndryshua si drejtues i Shkodrës, ka zbritur nga treni, nuk është shfaqur më në asnjë aktivitet, në ato që nuk janë televizive, por janë pjesë e pandalshme e çdo njeriu që kanë mandat nga socialistët në këtë parti. Është shumë e thjeshtë. Bushati ka disa mendime të tijat, unë s’jam dakord, ku është problemi këtu, jeta vazhdon. Nëse ai do të kishte punuar tokën do të ishte si shokët e vet. Madje shumë nga ata që thotë s’do i thoshte fare. Kjo nuk është personale. E kam thënë dhe dje, kush është lart, duhet të rrijë poshtë, jo në listë, por duhet të rrijë poshtë çdo ditë. Nuk e mas unë një lojtar, të Partisë Socialiste që është pjesë e lidershipit me fjalime në parlament veten dhe sa ka bërë në të kaluarën. E mas sa biznese ka takuar për t’i thënë si iu shkojnë punët, sa qytetarë dhe fshatarë ka takuar, sa i di ai apo ajo problemet e zonës. Nuk duhet të jetë historia që njerëzve i shkojmë vetëm për fushatë dhe bëjmë debate nga televizori. Foltorja e parlamentit, për të dalë para popullit është për ta, nuk është për të nxjerrë kunja. Nuk e kuptoj kështu unë punën me njerëzit. Kjo nuk ndryshon as mendimin tim për Bushatin si ministër, vlerësimin tim për çka ai mendon. As gatishmërinë time për të bërë debat me të. Nuk ndryshojnë këto. Ashtu siç nuk kam ndryshuar mendime për Fatmir Xhafajn. Ky i fundit s’ka bërë naze për vendin, do të përballojë sfidën që ka. Janë gjëra të thjeshta, nuk shihen lojtarët nga stadiumi, por në nxehmje, stërvitje, kur s’ka kamera, sa anë të gatshëm të sakrifikojnë me njëri tjetrin. Xhonglera ka plot, por nuk janë xhonglerat që e sjellin fitoren, xhonglerat janë për cirk dhe jo për fushë. Ata janë për cirkun mediatik, jo për ndeshjen e skuadrës. Bushati është një nga investimet e mia më të rëndësishme, unë e ndjej njeriun tim edhe sot. Nuk kam armiqësi, shpresoj ta kapi trenin prapë. Unë ia kam bërë shumë të qartë të gjithëve, partia të vë, por nuk të mban, mban veten. Në tren të vendos partia, por nëse rri apo zbret e vendos vetë. Janë të gjitha këto komponentë. Unë të jem rekordmeni që nga viti 1912 i takimeve në Shqipëri dhe ato me njerëzit, 90% që bëhen jashtë kamera dhe një deputet të mos takojë njerëzit për katër vite dhe një ministër të jetë mirë si ministër dhe të dalë në parlament, por të mos bëjë punën tjetër, se pranoj dot. Është jashtë mundësive për ta gëlltitur,” tha Kryetari i PS duke e mbyllur edhe këtë storie të marrë mediatike që e krijuar ca pronar mediash me Ditmir Bushatin.

“Listat gjithmonë, që kur jam kryetari i partisë, janë bërë nga drejtuesit e qarqeve dhe 95% e listave, që të mos them më shumë janë produkt i tyre. Unë kam mesazhe këtu, komunikimesh me drejtues qarqeve dhe refuzime që më kanë bërë, nga ato që janë dëgjuar.”

Në fund, sqaroi edhe renditjen në listë të ministrit të Diasporës, Pandeli Majko, për të cilin si gjithmonë nuk tregoi ndonjë respekt.

“Listat janë bërë nga drejtuesit e qarqeve. 95% e tyre janë bërë prej tyre. Në kutpimin cfarës skuadre do të kemi në Vlorë Damian, ndërkohë ‘po sikur ky, po sikur kjo’. Ndërhyrje pak fare për të bërë propozime dhe me argumente, se nuk është puna të imponosh, se nuk i vlen Vlorës, Durrësit, Tiranës. Listën e Tiranës e ka draftuar drejtuesi. Patjetër që kemi diskutuar me kryetarin e Bashkisë, kemi pasur një diskutim për dikë, se unë jam më plak, Lali është më i ri. Nuk shkon, në rregull nuk shkon, kështu funksionon çështja e listave. Ndërkohë, meqë në Tiranë drejtuesi nuk është deputet, Pandeli Majko është personi që do të qëndrojë te kufiri. I ka dhënë PS gjithçka, everything,” tha Rama por gazetarët sërish e pyetën për Ditmir Bushatin nëse ka pasur debat me të, gjë që e gjindosi njeriun që nuk po kuptonte se pse nuk po pyetej për kandidatë edhe pse shumica ishin të panjohur:

“U bë personazh Ditmiri pa asnjë arsye, mendoj unë, për kaq shumë vëmendje, megjithatë e kuptoj. PS ka kapacitetin edhe njëherë tjetër të bëjë skuadra fituese. Koncepti im për skuadrën është ky, kam luajtur në një skuadër, unë nuk ndjek futboll në sensin e një futbollisti, por ndjek trajnerët e mëdhenj dhe jam shumë i interesuar që të ndjek funksionimin e skuadrave nga pikëpamja e lidershipit. Disa prej tyre i kam miq, miq, komunikoj rregullisht, për çështje lidershipi dhe për çështje të skuadrës. I them këto se është shumë e rëndësishme të kuptohet që për mua partia nuk është një platformë ku ti vetëm merr, as një platformë ku ti bën vetëm atë që ke qejf. Skuadra jonë e madhe është e gjithë Shqipëria, ata që kanë nevojë t’iu hapësh telefonin. Me Ditmirin nuk jemi konsultuar, kjo është e vërtetë. Keni qenë këtu, kur ne mblidheshim çdo javë me drejtuesit e qarqeve, dhe mblidheshim pikërisht për skuadrën në të gjitha aspektet dhe ku jemi me personat. Të gjithë drejtuesit e qarqeve janë konsultuar me dreq e me të birin, nëse e themi kështu, dhe ne kemi bërë hulumtime për të kuptuar kush janë lojtarët që na japin maksimumin. Ditmir Bushati është i vlefshëm, por jo për këtë ndeshje, jo për këtë skuadër. Ka dhe emra të tjerë që nuk janë për këtë ndeshje, e për këtë skuadër. Ka dhe persona që iu është thënë ‘për këtë pozicion’, dhe ata kanë thënë ‘jo’, dhe ju kemi thënë ‘ulu në stol’. Si qenka kjo punë, apo bëje PS një klub, etj.”

Ndoshta edhe nuk ka faj që u gjindos pse mediat interesohen kaq shumë për dy lluma si Ditmir Dushati dhe Fatmir Xhafa, por ishte i prerë:

“Kush është në listë, nuk ka kontestuar. Kush ka kontestuar nuk është në listë. Kaq e thjeshtë është. Ndërsa diskutim patjetër që është bërë. Ne nuk u mblodhëm për të dhënë konferencë shtypi. Diskutim ka pasur. Edhe një herë tjetër, janë gjera të ndryshme, Bushati e Xhafaj në këtë teatër mediatik. Xhafaj nuk ka kontestuar asgjë. Ka thënë qartësisht me dinjitet; “Do të marrë përsipër këtë sfidë”. Ka bërë një diskutim normal duke pyetur për logjikën e gjithë gjerat. Erioni ka dhënë shpjegimet dhe ajo që ka qenë e rëndësishme është se dje është përçuar pikërisht gjithë logjika e kësaj skuadre. Logjika e skuadrës së PD është; ‘konservo fosilet’. E LSI: ‘Mblidh të rinj dhe fut në mes viktimat e SPAK dhe të OFL’. Logjika e skuadrës sonë është; “Fuqia e vetë ndryshimit që të ndryshojmë veten në mënyrë të vazhdueshme, për të qenë të denjë për ata që na votojnë, sa të mundemi!”. Ne jemi njerëz që ju dëgjojnë, ju kuptojnë. Është një vullnet e qasje tjetër. Një parti që ka në qeveri që në 2013 nuk mund t pres që të plaket duke hapur muzeumin deri sa të vijnë ta marrin me shkelma nga zyra. Por që të reflektosh, duhet të njohësh shoqërinë, jo të rrish të flesh gjumë. E të vijë urdhri nga Lalëzi; “bëj këtë, bëj atë”. Nuk funksionon! Kjo është e gjitha. Diskutimet janë gjëja më normale. Më imagjinoni ju mua që të jem njeri që kam frikë debatin, përkundrazi është një nga burimet më të pasura të adrenalinës time,” tha Edi Rama duke e shprehur qartë mosrespektin që kishte për Ditmir Bushatin, i cili tha se në Shkodër nuk i merrte dot as dy deputetë sikr të mos ishte Paulin Sterkaj.

“Bejlerë dhe agallarë socialistë nuk bëhet fjalë. Kanë qenë shumë dhe ka qenë ky problem për PS, lija në kurriz të gjitha atij të parit, vetë shih pjesën tënde dhe të tjerat le t’i mbajë ky. Unë i mbaj sepse kjo është detyra ime dhe pasioni im. Ka deputetë të cilët nuk janë kategoria e atyre që bëjnë këtë pjesë, por bëjnë një pjesë tjetër pa të cilët nuk do të ishin. Pa Pualin Sterkën në Shkodër, Bushati si drejtues nuk merrte dot dy deputetë. Ai rri me njerëzit në çdo moment, spitale dhe si ai ka shumë. Kush i bën të dyja është i nderuar. Çfarë ka më pak Bledi Klosi, nuk di të bëj debate, është i pesti sot në Berat, sepse ka punuar shumë me njerëzit dhe ne sot synojmë pesë prej atij njeriu. Damian Gjiknuri, si i merr rezultatet me fantazitë e tyre. Gramoz Ruçi është njeriu që mund të thotë po rri këtu, ma bini rezultatin dhe e kemi për detyrë. Është njeriu që ka numrin më të madh të telefonave të njerëzve në telefon, ai të hap telefonin në 2 të natës, historikisht. Si shkohet në Fier dhe merr 10 deputetë, sepse heq kravatën dhe është fshat më fshat, jo për fushatë por sistematikisht zgjidh hallet e njerëzve. Taluant Balla atje, si do marrim 9 në Elbasan, kur në 2017 morëm 7. Në atë formë ku Librazhdi ishte rrotë më rrotë, e kemi bërë sikur të jetë sheshi kuq. Shkoni në Librazhd dhe më thoni një person që se ka takuar njëherë Tulant Ballën,” tha Kryetari i PS, Edi Rama duke përfunduar:

“Kjo është partia, të gjitha të tjerat janë estrada për argëtim!”