Live/ “Arti në mbrojtje të Demokracisë”, Basha: Kur qytetarët janë bashkë, mund ti imponohen politikës, të përzier me oligarkinë dhe krimin…

Kryetari i Partisë Demokratike, Lulzim Basha, në fillim të takimit “Arti në mbrojtje të Demokracisë dhe Interesit Publik” duke sqaruar se kjo është konceptuar si një hapsirë dialogu me përfaqësuesit e Aleancës për Mbrojtjen e Teatrit dhe ata që kanë qëndruar në krah kësaj kauze të drejtë, i ka siguruar këta të fundit se do të kenë mbështetjen e opozitës dhe PD-së.

Aleanca për Mbrojtjen e Teatrit dhe ata që kanë qëndruar në krah kësaj kauze, tha Lulzim Basha, është një shembull frymëzues se kur qytetarët janë bashkë, mund ti imponohen politikës, të përzier me oligarkinë dhe krimin, siç ishte Ligji Fusha për shembjen e Teatrit kombëtar i cili është denoncuar edhe nga PD.

Ndryshe, Partia Demokratike, në bashkëpunim me Aleancën për Mbrojtjen e Teatrit, ka organizuar takimin “Arti në mbrojtje të Demokracisë dhe Interesit Publik”, me pjesëmarrjen e figurave të njohura të artit dhe kulturës.