Live/ Forumi Ekonomik Botëror në Davos, Trump: “Është mirë të jesh midis miqve… Dhe armiqve”

Presidenti i Shteteve të Bashkuara, Donald Trump, në takimin historik në Forumin Ekonomik Botëror në Davos, tha se është mirë të jesh midis miqve… Dhe armiqve.

“Kam që një vit në pushtet, ekonomia po lulëzon, inflacioni është i ulët, kufijtë e rrezikshëm janë të mbyllur. Shtetet e Bashkuara janë në mes të kthesës më dramatike ekonomike në histori. Një vit më parë, ne ishim një vend i vdekur i udhëhequr nga të majtë radikalë. Tani jemi vendi më i fuqishëm. Ky është një lajm i shkëlqyer. Shtetet e Bashkuara janë motori ekonomik i planetit. Nëse ne biem, ju bini. Ajo që më habiti më shumë ishte sa pak kohë u desh që e gjithë kjo të ndodhte,” tha Presidenti Trump duke shtuar se e do Evropën dhe dëshiron që ajo të shkojë në drejtimin e duhur.

“Pjesë të Evropës janë të panjohura sot. E dua Evropën dhe dua që ajo të shkojë në drejtimin e duhur, por nuk po shkon. Qeveritë mendonin se rritja mund të arrihej përmes imigracionit të pakontrolluar. Rezultati ishte deficite të mëdha dhe migrimi më masiv. Pjesë të mëdha të botës po shemben para syve tanë. Të gjithë ekspertët parashikuan se modeli im do të çonte në një recesion. Ne i kemi provuar të gjithëve se gabojnë.

Evropa nuk është ajo që ishte dikur. Mund të debatojmë për këtë, por nuk ka asgjë për të debatuar,” tha Trump duke përsëritur edhe në Davos se vendet e tjera duhet të paguajnë për dëmin që i kanë shkaktuar Shteteve të Bashkuara të Amerikës.

“Në vend që të ndërtojmë turbina me erë joefikase që kushtojnë vetëm para, ne në SHBA po i rrëzojmë ato,” tha Presidenti i SHBA duke vazhduar me renditjen e sukseseve të administratës së tij.

“Venezuela ishte një vend i mrekullueshëm 20 vjet më parë. Ne po i ndihmojmë ata, ata do të fitojnë më shumë para se kurrë, njerëzit e tyre do të jetojnë më mirë.

Kur sulmi mbaroi, ata thanë: ‘Le të bëjmë një marrëveshje’. Ata do të fitojnë më shumë para në gjashtë muajt e ardhshëm sesa kanë fituar në 20 vjet. Udhëheqja e vendit ka qenë shumë, shumë e zgjuar,” tha Presidenti Trump duke shtuar:

“Presidenti Xi vlerëson gjithçka që po bëjmë!”

“Nuk dua të ofendoj askënd”, vazhdoi Trump, por miqtë, tha ai, po kthehen nga pjesë të Evropës dhe thonë se nuk e njohin më atë. Ai përmend “migrimin masiv të pakontrolluar” dhe deficitet rekord të buxhetit dhe tregtisë.

Pjesë të botës sonë po shkatërrohen para syve tanë dhe udhëheqësit nuk po bëjnë asgjë, thotë Trump, pa hyrë në detaje. “Ekspertët thanë se planet e mia do të shkaktonin një recesion dhe inflacion të lartë, por ne e vërtetuam se ishin të gabuar,” tha Trump ndërsa sulmoi Danimarkën.

“Ne kujdesemi shumë për Evropën. Është e tmerrshme ajo që po bëjnë.

Kam shumë respekt për popullin e Danimarkës dhe Groenlandës. Por çdo anëtar i NATO-s duhet të jetë në gjendje të mbrojë territorin e tij. Ne jemi e vetmja fuqi, një fuqi e madhe, që mund ta bëjë këtë. E pamë Danimarkën që ra në orën 6 të mëngjesit në Luftën e Dytë Botërore. Ata nuk patën asnjë shans dhe u përpoqën. Ne luftuam për të shpëtuar Danimarkën, atë copë të madhe dhe të bukur akulli,” tha Trump duke e akuzuar Danimarkën si mosmirnjohëse.

“Pa ne, të gjithë do të flisnin gjermanisht dhe japonisht sot. Pastaj ia dhamë Groenlandën Danimarkës, çfarë gabimi, sa mosmirënjohës janë.”

“Lufta në Ukrainë nuk duhej të kishte filluar kurrë dhe nuk do të kishte filluar nëse zgjedhjet e vitit 2020 nuk do të ishin manipuluar. Nevojiten kufij të fortë, zgjedhje të forta dhe të drejta dhe një media e drejtë. Media është një katastrofë,” tha Presidenti Trump duek akuzuar mediat:

“Media shkruan vetëm gjëra të këqija për mua!”

Edhe sot ai vazhdon të jetë i bindur se Putin nuk do ta pushtonte Ukrainën sikur ai të ishte President i SHBA.

“Ne e trashëguam këtë rrëmujë në Ukrainë. E njoh shumë mirë Putinin dhe ai nuk do ta pushtonte kurrë Ukrainën nëse do të isha president. NATO dhe Evropa nuk vlerësojnë asgjë që bëjmë për ta.

Dhe nuk do të marrim asgjë prej tyre nëse nuk vendosi të përdor forcë të madhe. Por nuk do ta bëj. Duhet të ndiheni të lehtësuar tani. Ne nuk duam asgjë, ne vetëm duam Groenlandën. Ne hoqëm dorë nga Groenlanda jo shumë kohë më parë. Ne ishim një fuqi e madhe atëherë, por tani jemi një fuqi shumë më e madhe.

Nuk kemi marrë asgjë nga NATO, kurrë, ne vetëm paguajmë për NATO-n. Ata nuk i paguajnë faturat. E tëra që duam është pronësia e Groenlandës. Nuk mund ta mbrojmë atë pa pronësi,” vazhdoi Trump duke folur dhe për Kupolën e Hekurt.

“Nëse shpërthen një luftë, pjesa më e madhe e veprimeve do të jetë atje. E tëra që duam është siguria ndërkombëtare. Po ndërtojmë një Kupolë të Artë për të mbrojtur Canadanë. Dhe ata janë mosmirënjohës. E pashë Kryeministrin Carney dje. Herën tjetër që do të bësh deklarata, mendo për këtë, Mark, Canadaja jedon prej Shteteve të Bashkuara.”

Me këtë rast i dha fund edhe debatit me Danimarkën:

“Keni një zgjedhje. Thuani po, dhe ne do ta vlerësojmë. Thuani jo, dhe ne do ta mbajmë në mend,” u tha Presidenti Trump danezëve duke përfunduar:

“Dua vetëm një copë akulli që do të luajë një rol të rëndësishëm në mbrojtjen e botës. Kjo është një kërkesë e vogël krahasuar me atë që u kemi dhënë atyre gjatë dekadave.

Ne duam një copë akulli për të mbrojtur botën!”