Live/ Grushtat socialistë ndryshojnë rezultatin në Tiranë, numërimi vazhdon

Rezultati përfundimtar i numërimit të votave të 11 Majit nuk ka pësuar ndryshime edhe pas 24 orëve në KQZ ku nga 5.225 qendra votimi rezulton se janë numëruar votat e 5.215 qendrave të votimit, ndërsa gara në Tiranë me votat parapëqyese ka pësuar ndryshime pas grushtave që u shkëmbyen dje në KZAZ 30.

Kështu, menjëherë pas grushtave socialistë të bandës së Ornaldo Rakipit, ajo e Xhemal Qefalisë siç duket u ndërgjegjësua dhe Rakipi kaloi në epërsi me 42 vota duke marshuar drejt mandatit për deputetë.

Por, ndryshime nuk ka vetëm aty ku u shpërndanë grushta socialistë, por edhe PPP! Blerina Gjylameti kot u gëzua për epërsinë që krijoi dhe falë kuotës gjinore filloi ti marrë erë mandatit të deputetit, sepse u aktivizua Olta Xhaçka duke i qëndruar pas tashmë vetëm me 24 vota diferencë por me një PPP të fortë mbi supe.

Tek opozita aktualisht asgjë nuk ka ndryshuar dhe Jorida Tabaku aktualisht ka një epërsi ndaj Ilir Alimehmetit prej 2.424 vota për mandatin e 13 dhe të fundit në Tiranë të Koalicionit Partia Demokratike-Aleanca për Shqipërinë Madhështore

Ndryshe, edhe sot, pesë ditë pas zgjedhjeve, KQZ na thotë se në 11 Maj deri në orën 19:00, nga 3.037 Qendra Votimit nga 5.225 sa janë gjithsej,rezulton se kanë votuar 866.723 zgjedhës nga 2.053.378 sa janë në listën e Qendrave të Votimit të raportuar ose 42.21%.