Live.Kaos në Hong Kong/ Wai-Chung kopjon Sandër Lleshajn, protestuesit…
Sot protestat në Hong Kong përshkallëzuan dhe pak metra para se protestuesit të futeshin në Parlament, policia përdori edhe armë.
Protestuesit bllokuan godinën e Parlamentit, filluan të gjuajnë me tulla kur policia përdori gaz lotsjellës dhe shkopinj gome. Por Shefi i policisë Stephen Lo Wai-Chung, duke i quajtur trazira tha se nuk kishin tjetër zgjidhje:
“U detyruam të përdorim armë në mënyrë që ti ndalojmë trazirat,” tha Wai-Chung duke e bërë të qartë se kjo do të ketë pasoja serioze sepse trazirat dënohen deri në 10 vjet burg.
Aktualisht ka shumë të plagosur, ambulanca ka transportuar me qindra protestues dhe vazhdon të transportoj të plagosur të tjerë ndërsa plumbat e gomës, gazin lotsjellës dhe bombat tymuese, policia kineze vazhdon ti përdor.
Kjo është hera e parë nga viti 2014 që policia përdor gaz lotsjellës dhe bomba tymuese ndaj protestuesëve.
Ndërkohë bëhet e ditur se disa nga protestuesit ishin futur në njërën nga godinat e qeverisë, kur policia ka hedhur aq shumë gaz lostejllës sa edhe në një Qendër Biznesi ku ishin strehuar shumë nga protestuesit, u ndez alarmi nga sasia e madhe e gazit.
Protesta e cila nisi me dhjetëra mijëra qytetar dhe sot janë me qindra në Hong Kong që kundërshtojnë projektligjin kundërthënës të ekstradimit, për të cilin kritikët thonë se mund t’i lejojë Pekinit zyrtar që të shënjestroj kundërshtarët politik në këtë territor për ti dërguar në Kinë për gjykim, tashmë është shumë e qartë për protestuesit:
“Ky është fundi për Hong Kongun, është çështje jetë a vdekje!”
"The police are pretty heavily armed… they have got riot gear… guns that can fire off tear gas canisters and pepper spray as well."@andrewcnn reports from the streets of Hong Kong as tear gas is fired at protesters https://t.co/fLQTtY37GF pic.twitter.com/xs94XCc1ic
— CNN International (@cnni) June 12, 2019
Ndryshe, Ish-kolonia britanike qeveriset në mënyrë autonome si një territor i veçantë, që nga kthimi i saj në 1997 tek Kina, me parimin e “një vendi, dy sistemeve”. Shtatë milionë banorët e Rajonit të Posaçëm Administrativ të Kinës sot gëzojnë liri më të mëdha se njerëzit e Kinës, duke përfshirë të drejtën për lirinë e shprehjes, lirinë e shtypit dhe lirinë për t’u mbledhur. Si reagim ndaj demonstratave të vitit 2014 për më shumë demokraci, demonstrata që paralizuan me javë pjesët të qytetit, Pekini po i shtrëngon frerët. Deri tani, Hong Kongu nuk ka marrëveshje ekstradimi me Kinën. Kur u kthye te Kina në vitin 1997, Kina u përjashtua qëllimisht, për shkak të gjendjes së keqe të të drejtave të njeriut dhe mungesës së pavarësisë së drejtësisë së saj.
