Live/ Masakra e 2 Prillit – Shkodër, Basha: Rrënjët e së keqes nuk thahen nëse nuk i shkulim njëherë e mirë!
Kryetari i Partisë Demokratike, Lulzim Basha, së bashku me familjarët dhe miqtë e Arben Brocit, Bujar Bishanakut, Besnik Cekës dhe Nazmi Kryeziut, duke kujtuar me mall më të dashurit e tyre ashtu si e gjithë Shkodra këtë ditë të tmerrit, para Memorialit të Dëshmorëve të 2 Prillit u shpreh se
“Të nderuar zonja kryetare e bashkisë, të nderuar dhe të dashur qytetarë shkodranë të rinj dhe të reja. 28 vite më parë, diktaktura komuniste në gramhmat e fundit të saj vendosi të hakmerret. Katër 20-vjeçarë shkodranë nga më të zotët, u identifikuan, u përcaktuan dhe u ekzekutuan nga bisha që po jepte shpirt. U vranë në altarin e demokracisë Arben Broci, Bujar Bishanakut, Besnik Cekës dhe Nazmi Kryeziu. Ata hynë në përjetësinë e Shkodrës dhe Shqipërisë. P prilli hyri në historinë tonë kombëtare.
Për Shqipërinë është kujtesë e përhershme që rrënjët e së keqes nuk thahen nëse nuk i shkulim njëher e mirë. Sot, Shkodrës dhe Shqipërisë po ia merr ajrin një mostër që rritet nga indiferenca dhe tolerimi. 2 Prilli si bashkejetëse e krimit me qeverinë ka sot fytyrën e krerëve të qeverisë, ka sot dorën e zezë që përgjak qytetet tona. Ka sot vulën emigracioni, ka sot Kuvendin e Krimit dhe Kuvendin e denjë trashëgimtar të 2 Prillit,” tha Lulzim Basha.
Me këtë rast Lulzim Basha i bëri të qartë Edi Ramës se Protesta madhështore e shkodranëve dhe gjithë Shqipërisë ka vetëm një përfundim, që pati protesta e 2 Prillit:
“Shembëlltyra e këtij regjimi mendon se mund të likuidojë opozitën dhe se mund të bëj dhe pa të dhe ta marrë Shkodrën pa zgjedhje. E mund ta mbajë Shqipërinë pa zgjedhje, nën zgjedhë përsa kohë do i nevojitet, mundësisht përjetësisht. Kjo s’ka për të ndodhur, nuk ka vegla të verbëra, as gaz lotjellës, as hafije, as aparat shtypës që do të mundë të kthej qetësinë e kufomës politike të rilindjes, trashëgimtaren e denjë të krimeve të 2 Prillit 1991.
Protesta madhështore e shkodranëve dhe gjithë Shqipërisë ka vetëm një përfundim, që pati protesta e 2 Prillit dhe sakrifica e 4 bijve më të mirë shkodran, rrëzimin e diktaturës dhe triumfin e demokracisë”
Ndryshe, kanë kaluar 28 vjet demokraci shqiptare, por edhe 28 vjet ankth, akuza dhe kundërakuza, pabesi dhe dëshpërim për qytetarët e Shkodrës që vazhdojnë të kujtojnë ditën e terrorit komunist të 2 Prillit të vitit 1991, për të cilin vet regjimi komunist hetoi, gjykoi, por nuk e ka tha të vërtetën për vrasjen e 4 të rinjve dhe plagosjen e 78 qytetarëve të Shkodrës.
Ashtu siç e thonë vetë shkodranët, kjo masakër mund të jetë hakmarrje për meshën dhe lutjen e parë fetare në Shqipëri, përpjekjen për rrëzimin e bustit të Stalinit ose demonstratën e parë antikomuniste në kujtim të viktimave të kufirit shqiptar, por përveç kësaj, kjo masakër është edhe një gjakderdhje më shumë e komunistëve, regjimi i të cilëve kishte ditët e numëruara. Votën e popullit nuk e morën dot, por as pushtetin nuk po e dorëzonin dot.
