Live/ Numërimi vazhdon, Macron i lumtur për fitoren e Sara Miles dhe Arkend Ballës
Ndërkohë që vazhdon numërimi i votave të Diasporës nga Greqia dhe nuk kemi as rezultat paraprak, Presidenti i Francës, Emmanuel Macron, u shpreh i lumtur pas takimit me Edi Ramës për fitoren e tij më 11 Maj, duke theksuar se Kryeministri mori një mandat të qartë nga shqiptarët.
“Dua t’ju falënderoj për rizgjedhjen tuaj, për besimin që morët që është e rëndësishme për ju, por edhe për ne të gjithë. Sepse është ky mandat që do na lejojë, të vazhdojmë këtë agjendë kaq ambicioze, të dëshiruar nga vendi që prej kaq vitesh.
Dhe ju falënderoj për organizimin e CPES, që është Samiti i parë i bërë në rajonin e Ballkanit. Faleminderit për pritjen e tuaj dhe vazhdimin që do të bëjmë së bashku.
Përtej kësaj marrëdhënie dypalëshe kemi dëshiruar të shkojmë më lart dhe më fort, është vendi i Shqipërisë në BE që është i rëndësishëm duhet ta rishpreh këtu bindjen e plotë për ribashkimin e kontinentit për ti bërë ballë sfidave të përbashkëta,” tha Emmanuel Macron i cili pavarësisht se çfarë thotë sot dhe falënderon Edi Ramën për rizgjedhjen e tij sepse po i lejojka shtetit francez të vazhdoj agjendën e tij, të vetmit njerëz që ai duhet të falënderoj janë grupet kriminale që nxorën fitues Sara Milen, Arkend Ballën, Ornaldo Rakipin, Zegjinenë, Vajzën me Cjap, dhe shumë të tjerë që nesër do jenë në krah të Ramës për ta futur Shqipërinë në BE!
Ky falënderim bëhet edhe më absurd me ngazëllimin që shpreh për fitoren njeriu i cili me “La Republique en Marche!”dhe aleatët e tij mezi mori 20.04% të votave në zgjedhjet parlamentare në Francë, dhe nuk e pranon shqetësimin për BE-në që një njeri si Edi Rama, i cili vetëm falë grupeve kriminale fiton zgjedhjet parlamentare në Shqipëri dhe arrinë 52.39 %, vota këto që me 83 mandate i japin forcën e ndryshimit të çdo lloj ligji që i duhet grupeve të sarave, arkendëve, rakipëve, zegjineve dhe vajzave me cjap.
“Shqipëria ka bërë avancime të mëdha kohët e fundit, ka bërë blloqe kapitujsh të negociatave, kam besim tek ajo që po bëni ju dhe jam shumë i lumtur për mandatin tuaj të qartë.
Rruga e Shqipërisë është shumë e qartë drejtë BE. Reformat ambicioze që po bëni, pas këtyre reformave qe duken shumë teknike për bashkatdhetarët tuaj.
Franca do të jetë krah jush për t’ju shoqëruar në këtë reformë dhe për t’ju mbrojtur në mënyrë që meritat tuaj të njihen nga të gjithë dhe që agjenda të mbahet sepse ju do të mbani agjendën tuja, ne do të mbajmë tonën për perspektivën e 2027 që nuk është vetëm perspektivë por realitet,” thotë Presidenti i Francës, Emmanuel Macron, që arsyeton dhe qëndrimin e Presidentit të SHBA, Donald Trump, ndaj një BE-je të dështuar, dhe nëse dikujt vërtetë i intereson se çfarë dinë të bëjë kjo BE, le ta shikon Ukrainën!
