Live/ Orët e fundit të numërimit të votave, orët e para të shtetit më të ri në Evropë – Ediramastan!
Ndërsa kanë mbetur pak orë deri në përfundimin e procesit zgjedhor edhe me numërimin e votave dhe i gjithë shteti po përpëlitet në duart e Edi Ramës, ndërkohë vazhdon kërkimi për gjetjen e fajtorit të rezultatit të këtyre zgjedhjeve pasi ra “Fajet i ka Saliu”, dhe u sollën shumë dëshmi mbi manipulimin, blerjen dhe shitjen e votës, si dhe presionet e administratës në punë me të burogsur që votojnë Ministrin e Brendshëm që i arrestoi, zbulohen votat e Diasporës që dëshmojnë tmerrin shumë më të madh se sa vota për një thes miell ose vend pune: Votim masiv për Edi Ramën!
Sot ata pak shqiptarë normal që kanë mbetur pa u infektuar nga komunizmi po shohin se partitë e reja që lindën nga PD me pretekstin se “Fajet i ka Saliu” dhe rebeloheshin për Listat e Hapura, nuk janë krijuar kot! Sot shihet që nuk i voton njeri por ca vota edhe i shkëputën Saliut!
Zotni Lafsha që u përfol se mori numër rekord të votave në vitin 2021 me mbi 622 mijë vota ose 39.43%, sot me euroatlantikët e tij rezulton se ka 19.461 vota ose 1.38% ndërsa ai vetë personalisht vetëm 349 vota!
Faqja tjetër e zezë që hodhi aq shumë vrerë mbi Saliun për Listat e Hapura sa nuk ka Lanë e Vjosë që e lanë, tregon se ishte vetëm Saliu që i ka bërë deputet sepse nuk i do as fshati prej nga vijnë.
Që nuk kanë lidhje me të Djathtën tashmë u konfirmua ndonëse i morën 5533 vota ose 0.39% ndërsa Zhvillimin këto koka të kombit edhe mund ta bëjnë aq sa bëhet me 153 vota përkatësisht 69 vota!
Në fund, rast për Mentor Petrelën është partia Mundësia përkatësisht lideri i saj Agron Shehaj që tashmë është e qartë që nuk është as biznesmen as politikan!
Biznesmeni përdor kalkulator, dhe sikur Agroni ta kishte mjet pune nuk do të shpenzonte miliona euro për të na treguar se partia e tij ka marrë 43.002 vota ose 3.06 ndërkohë ka personin më të votuar në Shqipëri me 950 vota.
Si i mori 43 mijë vota vetëm politikani Agron mund ta sqaroj dhe normalisht Edi Rama, por pse duhej një investim kaq i madh për tu bërë sërish deputet kur i tillë ishte në PD dhe tashmë mund të konkurronte edhe për Kryetar partie, këtë politikani Agron nuk e sqaron dot, sepse nuk është politikan!
Kështu, deri në pritjen e ndryshimit të emrit të shtetit me kaq vota sa ka fituar Edi Rama, pse jo Ediramastan, realiteti i krijuar nga ky njeri që nuk ka mëshirë aspak as ndaj dinjitetit njerëzor, është shfaqur mbi hartën e këtij shteti që ekzistoi deri më 10 Maj 2025 një e keqe shumë më e madhe se sa një diktator, Komunizmi!
Ndërkohë Edi Rama ka paralajmëruar për sonte në orën 19:00 në Sheshin Skënderbej në Tiranë, të falënderoj vetëveten për manipulimin e zgjedhjeve.
