Live/ Samiti në “kryeqytetin e Europës” vetëm në TV-të e Edi Ramës, diskutohet…
Përkundër propagandës së neveritshme të televizioneve në shërbim të Edi Ramës që nga mëngjesi transmetojnë “live” tapetin e kuq nga “kryeqyteti i Europës” ndërsa vijnë liderët e shteteve anëtare dhe kandidate për në BE në Samitin e gjashtë të Komunitetit Politik Europian, ndërkohë në KQZ ende nuk po vendoset dot fati i votave të diasporës në Greqi, asnjë nga televizionet e shteteve që përfaqësohen në këtë Samit duke përfshirë vetë BE-në dhe Britaninë e Madhe nuk e japin si lajm!
Mediat në shërbim të Edi Ram flasin për samitin në “kryeqytetin e Europës” nën logon “New Europe in a new world”, si takimin për herë të parë në Ballkanin Perëndimor me pjesëmarrjen e liderëve, kryetarë shtetesh dhe qeverish nga 47 vende europiane, së bashku me drejtuesit e institucioneve kryesore evropiane dhe ndërkombëtare, por këtë nuk e thotë as vetë BE në faqen e saj me 24 gjuhë zyrtare.
Edi Rama foli për takimin historik të kryeministrit britanik Keir Starmer, por, BBC nuk raporton as për takim e aq më pak historik, dhe, natyrisht e gjithë vëmendja është e përqëndruar tek negociatat e paqes Ukrainë-Rusi, dhe bombardimet në Rripin e Gazës për të cilin konflikt mediat e Edi Ramës e kanë të ndaluar të raportojnë!
Por, edhe mediat tjera që nuk janë profesionale si BBC dhe i takojnë rajonit tonë kanë të njejtën masë të rëndësisë së lajmit ndone kanë krerët e tyre të shteteve në Tiranë.
Kështu, televizoni publik kroat, HRT, lajm qendror ka arritjen e Sekretarit amerikan të Shtetit në Stamboll për negociatat Ukrainë-Rusi, i kushton rëndësi edhe Direktivës së BE për ndërtime të paligjshme që sjellë ashpërsi ligjore por jo dhe Samitin e Edi Ramës në “kryeqytetin e Evropës” i cili nuk ka zënë vend fare ndonëse kryeministri kroat merrë pjesë në Samit,
Edhe në Bosnje Hercegovinë si shtet i çudirave nuk ka të marrë sa Samitin e Komunitetit Politik Evropianë në Tiranë ta ngrisin në piadestalin e Edi Ramës. Madje si Kroacia, nuk e ka fare as si lajm.
Televizioni publik i Serbisë, RTS, që këmba-këmbës e ndjekë Presidentin e saj Aleksandar Vuçiç, i gjeti një cep Samitit të Komunitetit Politik Evropianë në Tiranë ku do të flitet për Ukrainën, por për titull kryesor ka takimin e Stambollit për paqen në Ukrainë.
Televizioni i publik i Malit Zi, RTCG, ka gjetë vend për trajtimin e eutanazisë në Parlamentin e Britanisë, por jo dhe për Samitin që po mbahet në shtetin fqinjë e ku merr edhe kreu i qeverisë së saj.
Televizioni publik i Kosovës, RTK, nuk e kosnideron Tiranën “kryeqytet të Evropës” por gjen arsyen të pasqyroj këtë takim duke publikuar deklaratën e shefes së diplomacisë evropiane se javën e ardhshme viziton Kosovën.
Dhe, në fund Maqedonia e Veriut, telvizioni publik i së cilës i ka kushtuar vend të veçantë negociatave Ukrainë-Rusi ndërsa nga Samiti në Tiranë ka pasqyruar vetëm deklaratën e Presidentit të Këshillit Evropian Kosta nga takimi me kryeministrin maqedonas Mickoski.
Në fund, për ata që nuk e konsiderojnë veten injorantë dhe nuk duan të ndikohen nga propaganda komuniste e Edi Ramës, sot, Samiti zhvillohet nën temën: “Evropa e Re në një Botë të Re: Unitet – Bashkëpunim – Veprim i Përbashkët”, duke reflektuar sfidat e kohës si lufta në Ukrainë, siguria në kontinent dhe sfidat e përbashkëta demokratike dhe ekonomike.
Në qendër të diskutimeve janë:
• Siguria evropiane dhe mbështetja për Ukrainën,
• Mbrojtja demokratike dhe reagimi ndaj kërcënimeve hibride,
• Inovacioni, investimet dhe konkurrueshmëria,
• Migracioni, lëvizshmëria e fuqisë punëtore dhe rinisë.
Samiti përfshin seanca plenare, tryeza të rrumbullakëta tematike dhe takime bilaterale. Krahas liderëve të BE-së, të pranishëm janë edhe drejtuesit e NATO-s, OSBE-së dhe Këshillit të Evropës.
