Live.Unaza e Re/ Banorët përplasen me Policinë, fillon heqja e ndriçimit publik…

Edhe pse në ditën e 24, si banorët e Unazës së Re që preken nga projekti i Unazës së Madhe ashtu edhe bashkia e Tiranës janë të vendosura në qëllimet e tyre.

Mëngjesi i sotëm ishte me një tension paksa më të lartë. Banorët u përplasën me Policinë Bashkiake, e cila ka marrë në mbrojtje punonjësit e Ndërmarrjes se ndriçimit publik që kanë filluar të heqin linjat dhe neonet në rrugë. Ndërkohë, forca të tjera policie kanë ardhur në zonë. Mësohet se një protestues është shoqëruar në komisariat.

Banorët që vazhdojnë të protestojnë kundër këtij projekti kanë vetëm një kërkesë, kompensimin 100% të shtëpive të tyre, ndërkohë sot janë zotuar:

“Rama do ta ketë fundin e vet në Astir.’

Ndërkohë, për lajmin e publikuar mbrëmë nga Erion Veliaj se dy familje u larguan nga Unaza e Re dhe u vendosën në banesa sociale dhe më pas u shembën shtëpitë e tyre, banorët e Unazës s Re theksojnë sot se ishte mashtrim: “Asnjë banesë nuk është shembur dhe as nuk do të preket,” janë të vendosur ata.