Llalla i shpëton Vetingut, flet avokati: Suksesi i parë i reformës në drejtësi

Suksesin e parë të reformës në drejtësi, e ka cilësuar Sokol Hazizaj vendimin e marrë nga Komisioni i Posaçëm i Apelimit, sipas të cilit ish/kryeprokurori Adriatik Llalla nuk do t’i nënshtrohet Vetingut.

“Ligji fitoi, e drejta gjithashtu. Sot mendoj se reforma në drejtësi ka marrë suksesin e parë. Karakteri universal apo i përgjithshëm i vendimit të KPA, do të jetë si udhërrëfyes, detyrim i vendimeve të tjera që janë në të njëjtin standard fakti dhe prove, nuk lë asnjë dyshim ky vendim, edhe detyrues”, tha ai.

I pyetur për nje hetim të nisur për Llallën, avokati nuk ka dhënë asnjë detaj.

“Nuk kam informacion ligjor, në këto kushte sa kohë nuk kam marrë informacionin e duhur, risqaroj që e drejta proceduriale i imponon organit të më informojë kur është i regjistruar me emër procesi apo procedimi, nuk kam informacion të tillë”, tha ai.